Ka Nupepa Kuokoa, Volume XLVI, Number 27, 2 July 1909 — HAINA NANE [ARTICLE]

HAINA NANE

Mr. Lunahooponopono o ke Kuokoa, Alolia oe:—E oluolu mai oe ia'u ina he wahi kaawale kekahi oluna o kou oneki, ka hiwahiwa a ka lahui i hoouka aku au i ka'u wahi ukana no ka Nane a J. W. K. Kalemaluikaleo i hoopukaia ma kou helu o ka pule i hala. He lei ka'u i maheleia i na pauku ekolu, poo, kino ahe pew'a. Ina e huiia kuu kino me kuu pewa e loaa ana no au ia oukou e ku kiai ana ma na Hokele o ka poe waiwai, na Piramida nunui, na taowera kiekie loa, a hiki loa aku no ma na home o ka poe ilihune. Ke huiia ke kino me ka pewa hi'u e loaa ana he Puna, ke puna, ua loaa mau ia iloko o na Hokele e kiai mau ana i ka poe e hele aku ana e ai ilaila a hiki loa aku nla na home o ka poe ilihune. A ina hoi o kuu kino wale no e ike ana oukou i ko'u helu e kau ana, he olali au no ke kai loa, he bea huluhulu holo hau anu hoi ho Alika no na ailana o Nouaiki. A ina hoi o ke kino wale no, alaila e loaa no he Pu, ua inalamaia ka pu maluna o na moku apau no ka wa e loaa ai ka moku i ka ohu, a nalowale iloko o ka hau e kani mau ana ka Pu i kela ame keia inanawa i hoailona no kekalii moku ke holo mai, a hooku'i ole na moku a elua, a loaa ole kekahi i ka pilikia, ina kekalii mau moku ua malamaia he pu puhi e puhi mau ai i ka wa pilikia. A ina hoi e liuiia kuu poo me kuu kino, a koe kuu pewa i ka hi'u o ka Laikuera e hoomanao o ka leo o ka mea e kala ana ma ka waonahele, ke hea nei ia i ka poe luuluu ame ka poe kaumaha, e hele mai oukou apau i o'u nei a na'u no oukou e hoomaha aku. A ina hoi e liuiia kuu poo me kuu kino, Haina Waipu. I ka manawa i make ai o Pamano ua lilo kona wahi ia Waipu oia hoi ka haawi ana i» na lole, ai i ka poe apau e hele aku ana imua ona i ka, la haawi ua hoomahaia ko lakou pilikia. Xna hoi e huiia kuu poo, me kuu pewa, alaila hoolulii, - hoouluhua, a ua hoonaukiuki loa aku au ia oukou, aka e lilo ana nae au i enemi ino loa no oukou. Ina hoohuiia ke poo me ka pewa, Haina, he Waina. Ikawa e inu ai kokahi mea i ka waina ua hoouluhua koke mai oia i ka poe inu ole, a hoonaukiuki a lilo pu no hoi oia i enemi ino loa no ka poe e pinai ana i ka waiona. Ina e huiia kuu poo, kino, pewa alaila e ike ana oukou i ua lei la ou e hosana ia ana maluna o ka papaaina o ke kanaka waiwai, a i kaana puia no hoi ma ka papaaina a ka poe ilihune, a ma kona walia e halelu ana ia i ka halelu a Davida, ke alii me ka hooho ana "Ua nolioalii iho au maluna o ke aūai o ke dala ame ka lelolelo o ke gula, ua noho hoi maluna o ka ulakolako ame ka hauoli. Ina e huiia ke poo, kino, pewa alaila e loaa no ka inoa o kekahi himeni i kamaaina ia e ka poe e himeni ana ma ka papaaina o ka poe waiwai a hiki loa aku i ka poe ilihune e hosana ana i ka himeni Nuuanu Waipuna a ke Alolia. Ninau 1. Owai ke poo o kuu lei? Haina, Wai. Ninauv2. Owai ke kino o kuu lei? Haina, Pu. Ninau Owai kā pewa o kuu lei, Haina Na. Ninau 4. Owai kela Halelu i paanaau mau ma kona waha? Haina, Nuuanu Waipuna a Jte Aloha. Ninu 5. Owai ka inoa piha t) ua lei la o 'u? Haina, Waipuna. He ma-u wahi haina keia no ka nane a J. W. K. Kakelamaluikaleo a ina ua hewa keia haina ame ka wehewehe ana e kala mai oe ia'u no ka mea he malihini au imua o kou hanohano. Ke liaawi aku nei au i ko'u aloha ia oe e Mr. Lunahooponopono ame na keiki hoolele hua mekala. Kou oiaio, J. K. M. NAWAIUOLEWA. Keena Eli Meahuna o ka Lae o Kaliipa. Ma-u mai la no ka nele o ka haina a ke keiki o ka Lae o Kahipa, ua hu aku la ka paliuna i kula. Eia iho no la ke holoholo la no i ke alo, wailio auanei oe a la'i ke kula, aohē' maaloalo kanaka, e ike ana no oe i ke kolohe i ka hoekepue mai, a o ka paa no ia ia oe ma ka hi'u, e ku iho ai no ke kaena a ua kanaka. "He i'a nui ka'u, ua paa ma ka hi'u. Hooinanawanui houia mai.—L. H.