Ka Nupepa Kuokoa, Volume XLVI, Number 27, 2 July 1909 — KAULUWELA NA MOKU A'O KOA KEPANI I NA KUKUI. [ARTICLE]

KAULUWELA NA MOKU A'O KOA KEPANI I NA KUKUI.

Ma ka po o ka Poalua nei i hoike ae ai na mokn a'o koa Kepani i ko Taua nani, mamuli o ka hoikeike ana i ko lana mau ipnkukui uwila mailuna mai o na kia a hiki aku ma na wahi e ae o ua mau moku nei, ka mea hoi nana i haawi aku i na manao haaheo i ko laua man kanaka a pela pu hoi me ka poe makaikai. He po ia i konoia mai ai ke Kiaaina Frear, ka Meia Pern ame kekahi mau llina aopuni kiekie e komo pu aku me ka Adimarala Kepani Ijiehi ma ka paina i haawiia eia no ka hanohano o na luna aupuni kiekie o ke aupuni kuloko aei. Ua hele na nwapo a hookeke i na Kepani, a mai na hora ahiahi wale mai ko lakou haiamu ana ma na aoao o na mau moku la a hiki wale i na hora o ke aumoe, akahi no a huli hoi aku lakon no ko lakou inau home. Ma ke keena hope o ka moku o ka AdimaTala i hoohala ai na malihini ame na kamaaina i na hora o ia ahiahi me ka hauoli, oiai hoi ka bana e hookani ana f kekahi mau mele hoonanea like ole. Ma ke ahiahi o ka Poakolu ae i haawi hou ai ka Adimarala he paina no ka hanohano o ke Kanikela Kepani T T yeno ma Hawaii nei, ela nae aole i hoikeike honia na kukui uwila oiai he la hoomakaukau ia no ka haalele ana mai o ua mau moku la no ko laua huli \xoi no ka home ma ka Poalia mai.