Ka Nupepa Kuokoa, Volume XLVI, Number 27, 2 July 1909 — KAILIIA KA PONO KUAI WAIONA [ARTICLE]

KAILIIA KA PONO KUAI WAIONA

Ma ka halawai a ka Papa Komiaina i malama ae ai ma ka auwina la o ka Poakahi nei, i hooholo lokahi ae ai lakou, e hoonele loa aku i ka haawi ana i ka pono kuai i ka waiona ma na i na hale aina ame na hokele, he hoike ana mai hoi keia, aole loa e loaa aku ana ka waiona ma keia hope aku ma na la Sabati ma kekahi ano. TJa akoakoa ae ka poe no lakou na hale aina ame ko lakou mau loio me ka hooikaika anA aku i na lala o ka papa komisina e loaa mai ia lakou kela pono, eia nae ua paakiki loa no ka Papa e hoonele loa aku i ka pono kuai waiona, aole wale ma na la Sabati aka mahope aku kekahi o na hora i kaupalenaia ai no ke kuai waiona ana. Ua laweia ae ka Lunanana Pennell ma ke ano i hoike koikoi ma ka aoao e ku-e ana i ka haawi ana aku i kela pono i ka poe noi, a ua hoole āe na

ona 0 kekalil mau liale aina i ko lakou kuai ana i ka rama ma na la Sabati me ka ae ana i kekahi poe e hoihoi i na omole i kauhale. Ua hoea pu ae no hoi he mau noi no ka hou ana aku i mau laikini i kekahi mau hale inurama, a ua pau ka hapanui 0 ia*mau hale inurama i ka haawiia aku i na laikini hou.