Ka Nupepa Kuokoa, Volume XLVI, Number 27, 2 July 1909 — Nuhou Kuloko [ARTICLE]

Nuhou Kuloko

Ua hoi hou mai nei o Lorrin Ancfrews, a oia aku ana ke kokua mua o ka Loio Kuhina Hemenway. ITa kakauinoaia e Kiaaina Frear ka hookohu o David Lloyd Conkling i Puuku no ke Teritore o HawaiiE haalele • iho ana ka Mauna Kea ma ke ahiahi o ka la apopo no Hilo me ka poe makaikai i ka luaopele ame na lealea Po Kiulai. Eono mau limahana o ke keena Ana Aina i hoopauia no ka uuku o ka haawina dala a no ka pakiko mai i na hoolilo o ke Aupuni. Imua o ka Aha Hoomalu ma ka Poaiua nei i hoopa'iia ae ai o Harold Castle he iwakalua-kumamalima dala no ka holo nui i kona kaa otomobile. He mau pallipala ia e paaia nei ma keia keena, aole e hoopukaia aku mamuli o ke kakau oleia ana o na inoa ponoi o ka poe na lakou ia mau pala» pala. Ua hoole ae nei ka Papa Komisina Laikini i ka haawi hou ana i na pono no ke kuaiia ana o ka waiona e na hale aina ame na hokele ma na la Sabati. Ma ke kani ana o ka hora umi-ku-mamalua o ka po Poakolu nei i haawiia aku ai na ki o ka halepaahao Kalana ia Lunapaahao Aseh m© George Kaia kona Hope. Ma nehinei i huli hoi aku ai na moku a'o koa Kepani no lapana, mahope iho o ka hoohala ana i kekahi mau la ma ke kulanakauhale nei me ka piha hauoli o na luina. Ma nehinei i kaa mai ai ka hooponopono ana o na halepaahao ame na halekula apuni ke Teritore malalo o na Kalana e like me ia i hooholoia ai e ke kau Ahaolelo i pau. Mamuli o ka uuku loa o ka haawina dala» i hookaawaleia ai e ka Ahaolelo i hala, ua hoopauia kekahi mau limahana kupono a makaukau i haawiia na hilinai nui ana, mai ke keena Puuku aku. Eia no ke noho mai nei na hihia o na Kepani ohumu a hoalala olohani, a me he mea la e hala okoa ana he mau. pule ma ka hoolohe ana i ko lakou mau hihia mamua o ka puka ana mai o ka olelo hooholo a ka Aha Kaapuni. E malamaia ana he halawai kuikawa na "ka Ahahui Hanalima Noeau ame Limahana o na Kupa Amerika ma keia po Poalua ae. lulai 6 hora 7:30 ma Waverly Hall. E hoike ana na luna nui ma keia halawai, a e noonooia ana hoi kekahi kumuhana ano nui. E hele ae na lala apau ma keia halawai.