Ka Nupepa Kuokoa, Volume XLVI, Number 27, 2 July 1909 — E HOOKAHAKAHA PAIKAU ANA NA PUALIKOA Ma Keia Poakahi ae e Malamaia ai Ka Hoomanao Po Kiulai ma Keia Kulanakauhale. [ARTICLE]

E HOOKAHAKAHA PAIKAU ANA NA PUALIKOA

Ma Keia Poakahi ae e Malamaia ai Ka Hoomanao Po Kiulai ma Keia Kulanakauhale.

Aole e lioonele loaia ana ko ke kulanakauliale nei, i na mea hoohala manawa no ka la eha o lulai ae nei, aka e ike walu paikau ana no a na koa, me na ha'iolelo no hoi a kekahi poe e haawi ae ana no ia la, ame na hoolele ahi kao ma ia ahiahi iho. Oiai nae hoi, o ka la Sabati ae nei ka la eha, nolaila ua hoopaneeia aku la na hana hookahakaha paikau ame na hana e ae ma ka Poakahi aku, a e hoomaha ana na keena aupuni ame na hale oihana e ae ma ia la. Maloko o kela huakai hookahakaha a na pualikoa, o na koa kau lio ame ka bana puhiohe o Leilehua, ko Kahauiki mau puali koa, na koa marina ame na puali koa Hawaii ke puka ana ma ia la. Ina aole e loaa na hoololiloli ana, no ke ano o ke ka'i ana o ka huakai, alaila o keia iho malalo nei ano i hoolalaia no na wahi a ka huakai e ka'i ai: E hoakoakoaia ana na puali koa like ole ma na alanui Miller ame Hokeie

mawaena o ka hora eiwa ame ka hora umi o ke kakahiaka Poakahi, a hoomaka mai e ka'i maloko mai o ke kahua o ka Hale Mana Hooko, a puka ma ke alanui Moi, huli ilalo o ke kulanakauhale nei, a hiksi i ke alanui Papu. Malaila ,pii ma ia alanui a hiki i ke alanui Beritania, a huli lalo a hiki i ke alanui Nuuanu, iho i kai a hiki I ke alanui Kalepa, a ma ia alanui o ka'i pololei ai a hiki i ke Kuea Pa'lii. Ilaila ke Kiaaina ame kona mau nkali e makaikai ai i ke kulana o n» pualikoa, a mahope aku o ia manawa, e hookuuia ai na hana hookahakaha paikau o ia la. Maloko aku hoi o ka Hale Mele Hou, e malamaia ai na ha'iolelo am® kekahi mau hana e ae i pili pono i ke ano o ia la kulaia, ka la i loaa ai ka noliona kuokoa ana i ka lahui A.merika a hiki mai i keia la. I wahi e hoopiha ponoia ai kela la, me na hana no ka lehulehu e hauoli ai, e hoikeikeia ana he mau ahi kao e ke komite o ka la, ma kekahi wahl e Wiki ai i ka lehulehu ke ike, a me ke kanalua ole no ke i ae, e holopono ana na niea i hoolalaia e lilo ai i mea makaikai nuiia e na kanaka.