Ka Nupepa Kuokoa, Volume XLVI, Number 28, 9 July 1909 — KA NUPEPA KA LANAKILA. [ARTICLE]

KA NUPEPA KA LANAKILA.

Ma ka Poaha o ka pule i hala i oili a i hanau ae ai he nupepa hou i humu buke ia nona ka inoa "Ka Lanakila,' i noho ona a hooponoponoia e kekahi mau opio Hawaii. Ke hauoli nei ke Kuokoa i ka haawi ana aku i kona lima akau o ke aloha me ka makee e ike aku i ke kolo ka ulu ana ae o ke kama hou ma ke kulana kanakamakua o ka onipaa e oil.i mai ai na hua ohaoha oka holomua; a e lilo ai kona mau kuhinia i mau mea e pomaikai ai kona poe heluh£lu. He hana nui a koikoi ka oihana hoopuka nupepa e konoia mai ai ka poe e hoomahu'i ana ma keia hana e ahonui; a mamuli auan,ei o ia alahele e loaa ai he keehina maloeloe e hoea ole aku ai i kahi e okupe ai ,na wawae. . He mea e hauoli ai, a e haaheo ai ka manap i ka ike ana akfl i na Hawaii i loaa kekahi mau kalena maikai e hoohana ana ma kekahi oihana pookela elike ae la me keia, he oihana hoi e hoik.eike aku ana imua o ke akea; aole wale no ma na mea e hoopomaikaiia aku ai lakou, aka ua hapai pu aku i na opio Hawaii ma na anuu kiekie e hiki ai ke ike ia aku ma ke he mau alakai. Oiai nae, ua lawe ae keia mau Hawaii i keia oihana ano kau iho i na koikoi no kona holomua maluna o ko lakou mau hokua; nolaila i mea e pale aku ai i na olelo i maa i £a pehiia maluna o na Hawaii no ka hiki ole ke lawelawe oihana; ke iini aku ke Kuokoa e ku ae oukou iluna a keehi iho ia mau olelo hooilpilō, a_ku ae me maioeloe elike me ke o ana o kela inoa 'Ka Lanakila.»