Ka Nupepa Kuokoa, Volume XLVI, Number 28, 9 July 1909 — HELE NA KEIKI KULA I KA HANA [ARTICLE]

HELE NA KEIKI KULA I KA HANA

LAHAINA, Maui, lulai 3. —He kanakolu o na haumana kahiko o ke kula o Lahainaluna i hele pu aku me ka Lunakula Nui Mr. Babbitt no Honolulu no ka hele ana i ka hana o ka mahiko ma Kahuku ma ke ano he poe wawahi olohani. M&muli hoi kekahi o.ka loheia ana ae no ka pau ana o na keiki o ke Kula Kiekie V ka pau nui i hana mahiko, pela i hoeueuia aku ai ka manao o na keiki liilii e'hele aku e noi i ko, lunanui Mr. Weinzheimer o ka mahiko Paionia no ko lakou hele ana i ka hana, a ua aeia aku ka lakou noi, atke kulaina mau nei lakou i kela anre keia kakahiaka ma kahi hana. Me he mea la i ka nana aku o keia ka helehelena e hiki mai ai i ka wa e hoopauia ai ka ninau limahana ma Hawaii nei. Ina e loaa «ku ana ka ike i k&ia hanauna hou o na Hawaii he

oi ae ka hanohano o na hana ma na malako mamua o ka uhai hele ana i na oihana kakauolelo, a mau oihana aupuni paha,~a i ole lilo aku paha i mau kanaka polopeka, alaila o ka hoea ana mai ia i ka wa o e noho kuokoa ai ma ka ninau limahana. He nui na kanaka opio ma Amerika i hele kino maoli i ka hana i loaa mai ai ia lakou ko lakou ike ma ka hoonaauaoia ana, a he lehulehu wale o lakou i puka pono mai ua kula mai mamuli o ka hoomanawanui.