Ka Nupepa Kuokoa, Volume XLVI, Number 29, 16 July 1909 — LAWEIA NA LAWEHALA I MAU HOIKE. [ARTICLE]

LAWEIA NA LAWEHALA I MAU HOIKE.

He elua mau hoike i laweia ae imua 0 ka Aha Kaapuni a Lunakanawai Robinson ma ka Poaha o ka pule i hala, a o laua no hoi kekahi o na mea i hoopiiia no ka hewa hooulu haunaele ma ka Mahiko o Waipahu, oiai o Minuehi, ka puuku o ka Hui ukuhana kiekie ma Waipahu ame Kawakami. Ua hoike laua e like me ka laua i hoomaopopo ai i na mea i hana e pili ana i kela haunaele me ko laua hoao ana e hoalo ae i ka hewa i hanaia, oia hoi ka hoakoakoa ana o na Kepani limahana cfia kela wahi aohe ka he manao iki iloko o na Kepani e ku-e aku i ka hana a na makai ma ka hooko ana 1 ka lakou hana. I ka wa i ninauia aku ai o Minuehi e ka Loio Kini, ke kokua ma ka aoao hoopii, ua ae mai oia he limahana oia no ka Oahu Sugar Plantation Company no ka manawa he ewalu wale no la, a ma ke koena aku o ka mahina ma Waipahu oia kahi i hana ai nialalo o kekahi Kepani lawe aelike mahiko. Ma kana pane no kekahi ninau a ka Loio Kini, ua hoole mal oia i kona hoounaia ana i Waipahu e na alakai o ka' poe hoeueu koi ukuhana Jciekie ma ke āno e kuhikuhi aku i na paalalo malaila i ke ano o ka hana a lakou e hana ai. Ua ae kela Kepani i ka lohe ana i ke kani o ka pu a kekahi o na makai, i kiia ma ke ano e hoike mua aku ana i ka akoakoa ana mai o ekolu haneri kanaka —o keia ka huina kanaka i liohoia i akoakoa ae malaila i kela manawa' o ka haunaele. Ua ae pu o Minuehi ua hoike aku oia i na makai aohe hopohopo o na Kepani i ka pu a na makai ame kona a'o pu ana aku i na Kepani e hoi.i ka hale halawai o ka hui lala ma Waipahu no ko lakou palekana. Ma ka ,lioike hoi a Kawakami, ka lua o na hoike, ma kana olelo aohe ka he manao ino ma ka aoao o na limahana Kepani e hoopoino i na makai, a ua hoao ikaika oia e hooiaio i ka Minuehi mau olelo ike aohe haunaele i hoalaia malaila. Ua hoopaneeia mai kela hihia a hiki i ke kakahiaka Poakahi i hala a ma ka Poalima ame ka Poaono mai ua lilo ia mau la ma ka hoopaapaa maluna o ke kauoha e hoike mai i kekahi kumu no keaha la e hiki ole ai e hoopukaia i palapala leauoha leuikawa no Makino ame poe alakai olohani e ae e keakea ana ia lakou aole e. komo ma na wahi o ka pa kumakahiki o ka mahiko Oahu Sugar Company. Iloko o ka. rumi hookolokolo o ka Lunakanawai De Bolt, ma ia la o ka hifcia ohumu kipi e ku-e ana ia Makino, Yamasiro, Negoro, !Tasaka ame Kawamura ka i laweia ae a lioopanee houia a hiki i ka Poakahi, lulai 19, a ma ia manawa ua manaoia e pau e arca ka hookolokoloia ana o ka hiliia o ka poe hoohaunaele imua o ka Lunakanawai Eo^hikana.