Ka Nupepa Kuokoa, Volume XLVI, Number 29, 16 July 1909 — PULAPUIA E IA KEIKI HAWAII Hoopunipuni He Keiki na John Baker i Loaa Wale Mai ai Kona Mau Makemake. [ARTICLE]

PULAPUIA E IA KEIKI HAWAII

Hoopunipuni He Keiki na John Baker i Loaa Wale Mai ai Kona Mau Makemake.

Aole he liana hoaano e ae i hanaia e kekahi 0 na keiki Hawaii e like me ia i ikeia ai ma ka pule aku nei i hala, he hana hoi nana i pulapu aku i na kanaka o na hokele, na halekuai atn« na kalaiwa o na kaa otomobile ame na kaapio. Iloko o kekahi la o ka pule aku nei i hala, ua hoea inai la he keiki Hawaii mai ka Mokupuni mai o Keawe. me ke kapa ana M kona inoa o John K. Baker, ke keiki a John T. Baker, 1 ke Kiaaina o,Hawaii i ke au hoopo-: nopono aupnni Moi. Me Jie mea la ua puni loa ka poe o ka hokele i ka palau a kela keiki, no ka mea iaia e noho ana maloko o ka Hokele lana ua kauoha ae oia e haawiia kekahi papaaina he hoike ana no kona hoopalau i ka wahine, a ua hookoia aku ia mau kauoha apau ana, mamuli wale no o kela inoa, he keiki na. Jolm Baker. I Ua hele aku oia iloko o kekahi mau halekuai. a ohi mai la i kana mau mea apau e makemake ai, me ka hoike ana aku \ ka poe no lakou ia mau halekuai 1 e kāki i ka bila ma ka inoa o ka Hokele lana. I I ka wa i ninauia aleu ai i ka ho-! kele ina paha he pono ka kela keiki mea e hana ana, he hooia wale aku no ka ka hokele, a loaa mai la na mea apau a keia keiki e makemake ak' j ,No kela pāina ana i haawi ai ma--loko o ka Hokele lana, ua hilei aku ka ]

lilo ma kahi o kc- kanalima-kumama-hiku dala, a he keu hoi o ka hana kolohe wale no ia, eia nae aole, ua lawe aku la oia i kona mau hoaloha no ka Ehukai o Puaena, a e like no me ia ana i hana ai ma ka Hoke-le lana ka haawi i paina, pola no kela ilalo o Waiaiua, nialoko o ka .Hokele o Haleiwa, a kaki* no i ka Hokele lana. 0 na kaa otorhobile ame na kaapio kekahi i puiapuia, no ka mea he mau manawa lehulehu ka kela poe kaa o ka lawe hele : ana iaia me na kaikamahine iloko,o ia mau he hookahi no a ia nei olelo, e kali oukou a loaa mai ke dala mai Hawaii mai. Ua olelo ae kekahi o na kalaiwa kaapio, ua .hiki ole ke alo ae i ka manaoio ana aku no ka uku" pololeiia mai o kona hoollihiia ana, no ka mea ua hoikeike maoliia mai no na eke dala imua o kona alo, a hui pu iho no hoi me*kona ike pono ana i kela paina 0 ka haawiia ana maloko o ka hokele, ua puni maoli oia, o keia kekahi o na keiki nui o ke dala. Aole i ikeia ka pilikia o kela hana a kela keiki a hiki i ka nalowale honua ana o ke kolohe, akahi no a ala ae na hana epa a ua keiki nei o ka hana ana. Ma ka po o ka Poaha o ia pule no kona nal<fwale ana me ka hoi ole aku 1 ka hokele, aole no hoi i hoike aku i ka .poe o ka-'hokele e hele ana oia no kekahi wahi, aka ma ia po iho, ua hoea aku la oia nouka o ke alanui Kula no ke kuai alia i kekahi hale ame kona mau pono apau. Mahope iho o ka holo ana o na mea i kamailioia mawaena ona ame ka ona aina, ua olelo aku la oia e hoea aku ana oia ilaila me ka loio no ka hana ana i ka palapala kuai, a o ke kumu o kona makemake ana i kela hale, i wahi nona e noho ai me kana wahine o ka mare ana. 1 ke kakahiaka ana ae nae/ aohe he hoea aku o ua keiki kolohe nei, a o ka puka ae la no ia o na moolelo lehulehu e pili ana nona. Ua oleloia ae, o John T. Bright kekahi inoa ona, a o John K. Kualii ka kona inoa pololei, a e ole ka Kekahi keiki haole o kahi ana o ka hele ana mai, loaa &i kona kuka o ke kau ana mai i ka moku no Honolulu nei. Mai kela manawa mai o kona nalowale ana a hiki i keia mau la, aole he mau mea i lohelohe houia nona, a me he mea la eia oia ke pee mai nei me ke kaikamahine ana o ka mare ana. Iloko nae o kela mau hana kolohe a kela keiki, aole he palapala hopu i hoopukaia ae nona, a ke kali aku nei ka oihana makai o .ka hooiliia mai o ka hana maluna o lakou no ka huli ana aku i ke kolohe.