Ka Nupepa Kuokoa, Volume XLVI, Number 29, 16 July 1909 — KA HAE NUI HOOKAHI MA KE AO NEI. [ARTICLE]

KA HAE NUI HOOKAHI MA KE AO NEI.

PITTSBUBG, lulai 5.—0 ka hae nui hookahi i ikeia ma ke ao apuni, o ia no ka hae i welo ae i ka welelau makani mawaena o ka puoa o ka hale hookolokolo ame ka hale Frick. Ua liiki aku kona loa ma kahi o ka 180 kapuai a he 90 hoi kapuai kona akea, a ua hoopaaia rae na kaula uwea kila o elua iniha ka nui mai ka puo'a aku o ka hale hookolokolo ma kekahi piko, a i ka hale Frick kekahi piko. I ka manawa i welo ae ai kela hae, ua like pu me elua hale kona kiekie a hiki i ka hontia, a ina e pa mai ana ka makani nona ka mania o 12 mile- i ka hora, alaila e hiki aku ana ma kahi o ke tona ke kaumaha maluna ~o kela mau kaula uwea. Aole o.keia wale no ka hae hookahi i welo ae i ka makani, aka aia he mau hae liilii e ae i hiki aku ma kahi o ke mailuna mai o ka puo'a a hiki i ke ka'e malalo o ka hae.