Ka Nupepa Kuokoa, Volume XLVI, Number 29, 16 July 1909 — Nuhou Kuwaho [ARTICLE]

Nuhou Kuwaho

KANSAS CITY, lulai B.—He elua kaukaui kanaka i hooneleia i ka home a he eono i make i ka waihalana maloko o na mokuaina o Kansas ame Misouri. He $1,500,000 ka nui o ke poho o na waiwai i kohoia. NEW YORK, lulai 10. —Ua haawi makana ae o John D. Bockfeller, ka Onamiliona waiwai loa o ke ao nei, he hookahi miliona dala i ka Papa Hoonaauao laula o ka Ekalesia Bapetizo. O ka huina o kana mau kokua a. makana i ka Papa i keia manawa ua hiki aku ia i ke $52,000,000. ST. PETERSBURG, lulai 11.—He 124 mau ma'i kolera i puka ae iloko o keia kulanakauhale a mailoko ae o ia huina he 47 i make. LA PAZ, lulai 12.—Eia keia kulanakauhale iloko o na lima o ka poe hoohaunaele, a ua holo ka wahine a ke Kuhina o Agenetine iloko o ka hale o ka Peresidena o Bolivia no kona palekana. Eia ke kulanakauhale iloko 0 ka poeleele. WASHINGTON, Inlai 13.—Ma ka noho ana a ka Ahakuka maloko o ka Hale Keokeo i nehinei ua hooholoia e hooponopono honia ka hoololi auhau o na hui, e hoemi ana f ka auhau mai ka elua pa-keneka a i ka hookahi. WASHINGTON, lulai 13.-Ma ke koho ana a 317 ia 14 ku-e ua hooholo ka Hale i ka Olelo Hooholo a ke Senate e ae ana i ka hoololi kumukanawai' e pili ana i na auhau loaa makahiki i na mokuaina like ole. AMOY, Kina, lulai 14. —He hookahi haneri make i ka ma'i ahulau a he kanakolu-kumamaono i ka ma'i kolera ka mea i ikeia maanei iloko o elua pule. TOKIO, lulai 14.—He aelike ka i hoolalaia no ka hoololi ana o Korea 1 kona mana hookolokolo iho e lapana E hoopauia ana ka oihana kaua o Korea. E hoikeia aku ana i na mana nui apau oke ao keia aelike hou. •

SAN FRANCISCO,.IuIai 15.—Ma ka la i nehinei, ua hoea mai ia nei o Edward Payson Weston, mahope o ka pau ana o kana huakai helewawae o 3925 mile iloko o na Ia he 105.

PORT RUSSELS, lulai 15.—Manmli o ke pa-hu ana o ka pauda iloko o ka hale koa maanei i nehinei he ekolu kanaka i pakele mahunehune loa. Eha poe mawaho ae o lakou i loaa pu i na palapu aole nae i ke kukonukonu loa. E hoomakaukau ana kela poe i ka pauda i ka wa i pa-hu ai.