Ka Nupepa Kuokoa, Volume XLVI, Number 29, 16 July 1909 — PIOLOKE NA LUNAKIAI O HAWAII [ARTICLE]

PIOLOKE NA LUNAKIAI O HAWAII

Maloko o ka Nupepa Hilo Tribune i hoikeia ae ai kekahi meahou e pili ana i ka manao ana o Laimana e waiho ae he olelo hooholo iloko o ka Papa 0 na Lunakiai no ke kaiehu ana aku ia Noa Aluli mai ke kulana maheieolelo aku ana e paa nei no ka Papa. Ma kekahi eia ka o Kivini ame kekahi mau Lunakiai ke makemake nei no e au'a ia Mr. Aluli ma ia kulana, a ma ia ano iho la eia ka Papa Lunakiai o Hawaii ma ke kulana ooloku. Wahi a Mr. Laimana e like me kana 1 manao ai, aole ka 1 kupono o Aluli no kela kulana, no ka lawa ole o kona makaukau a i wahi no hoi e hoemiia mai ai na hoolilo o ke Kalana, o kana i ma'nao ai, na kekahi mea o ke keena o ke Kakauolelo Kalana e unuhi āe i na mea e hanaia ana e ka Papa i lohe like āi na Lunakiai apau. Ua hoike hou ae no ka o Laimana, he elua mau Lunakiai ma kona aoao, a ina e huli mai ana me kekahi mau' Lunakiai e ae, o ia na lunakiai i kakoo ole ma kekahi aoao, alaila e kaa ana ka hapanui ma ka aoao e kaiehu ana ia Aluli mai ke kulana mahele olelo aku, Ina iho la nae pela ae la ka helehelena maopopo e ikeia aku nei, alaila aole no e nele ana ke ala ana ae o kekahi makani nana e hoouluku ae i na manao, e lilo aku ai i mea nana mai na ka lehulehu.