Ka Nupepa Kuokoa, Volume XLVI, Number 29, 16 July 1909 — PALUKUIA KA MEA KIAI UWAPO. [ARTICLE]

PALUKUIA KA MEA KIAI UWAPO.

Ma ke kakahiaka o ka la Sabati aku la i hala, i nokeia ai ka haole kiai 0 ka uwapo o Mauna Loa i ka pātūltu ia e na kalaiwa kaapio, a no ka pouliuli o kela wanaao, ua hiki p<?no ole iaia ke ike aku i ka poe na lakou oia 1 pepehi. He haole keia nona ka inoa o Emil Le Clair. Oiai ke Kinau e hoopili mai ana i ka uwapo ma ka hora eha me ka hapa o ka. wanaao Sabati, ua hookuu aku la oia i na kalaiwa o na kaapio e komo iloko o ka uwapo a no ka nui loa o lakou e komo ai i ka wa hookahi, a hui pu ae hoi me ka poe mawaho o lakou ua manao iho la ke .kiai po, e pani mai i ka puka, a hōokuu pakahi aku i ka poe e makemake ana e komo iloko. I kela manawa ka i lele aku ai na kalaiwa kaa maluna ona, me ka noke ana i ka paluku a hiki i" ka eha ana o ua kiaipo la. Aole no nae i pau loa kela poe ma ka hoēha ana iaia, aka na kekahi no o lakou i e hoopakele iaia mai ka pepehiia ana mai e kekahi poe, a wahi ana, o na Kepani ame na Pukiki ka hapanui o kona poe na lakou oia i pepehi. No ka maopopo ole owai la ia poe nana i pepehi i kela haole, nolaila aole he poe i hopuia.