Ka Nupepa Kuokoa, Volume XLVI, Number 30, 23 July 1909 — HE MOOLELO NO TINA POLENA A I OLE Ke Kaikamahine Loea Hana Lihilihi o Brukela. [ARTICLE]

HE MOOLELO NO TINA POLENA A I OLE Ke Kaikamahine Loea Hana Lihilihi o Brukela.

MOKUNA XXVI. i "Ina o ia io iho la ka mea e ikeia ae ana no kēla kaikamaihine, alaila aole loa he mea nana e ke'ake'a mai ia'u i ka mare ana aku jaia, no ka mea aole e ili aku maluna ona ka hewa i hanaia e kona makuakane a'u e hauoli loa nei i ka lawe ana mai iaia i hoa kaunu pu no'u iloko o ka hauoli ame ka pilikia." "Aole io nona ia hewa e like me ia au e i mai la, aka ke o mau la no nae ka hewa a ka īnakua i hana ai maluna ona, a imua o na | iuaka o ko ke ao nei, aole loa he lihi kuleana o kela kaikamahine) e kau like mal ai ma ke anuu hookahi me ka poe e ae o ke kulana hanohano a kiekie." 4, () kau paha ia e olelo mai nei, aka aia oia a lilo mai i L«de Hoborona, e ike auanei oe, ma ka'u mau wahi apau e kipa aku ai, e hookipaia aku ana kuu wahine me ka hanohano, e like me ke kuiana i loaa ia'u i keia la,' wahi a Eneki me ke aea ana ae o kona poo a ku pololei iluna. I "Mai hana naaupo oe e Eneki," i pane koke mai ai ka Lede Hobor<»na me ka piha i ke pihoihoi. "O kou ae ana aku i kena mau manao ou, o kou lawe ana. mai no ia i na hoohila-! liila ana maluna o kou poo ponoi iho, au no e ike aku ai ina keia j mua aku, a olelo iho oe, he pololei ka ka'u e uwalo aku nei imua ou." "He makeliewa ko kaua hoopaapaa wale ana no, o ka makuahine me ke keiki. I hoike hou aku nae au ia oe ea, ua alolia aku au i kela kaikamahine me kuu naau apau, e hiki ole ai ia'u ke alolia aku i keka.hi kaikamahine e ae ma ka honua nei. Ua noi maoli aku nei au iaia i keia ahiahi e lilo ma oia i wahine mare na'u, a e hookoia ana ia mea ina e ae mai ana na lani e ola aku niaua a. elua a hiki i ka hookoia ana o kuu iini," a ia hooki ana iho o ke kamailio ana aku a ua Haku opio nei, ua paa loa kona manao e hooko aku i kela mau huaolelo i hoopukaia aku e kona mau lehelehe, koe wale no nae ina e imi mai ana kona inakuahine ma kekahi mau alaliele e ae e kaawale ai laua no ka manawa mau loa. '■Ive manao kuhihewa aku nei au, o Geterude ana la kau wahine e mare aku ai. i ko olua pipili loa hoi kekahi i kekahi!" wahi a ka Lede Hoborona me ka leo kaumaha. "x\.ole no he meai e ae nana au i alakai aku e mare me kela kaikamaliine, aka o oe wale no e kuu makuahine, aka aole loa au e maie me kela kaikamahine malalo o kekahi ano." <4 E liiki ana. anei ia oe ke hoakaka mai i kekahi mau kumu e hiki ole ai oia ke lilo mai i hunona wahine na'u?" '*A no ka mea oia kekahi o na kaikamahine puni nani a puni haaheo, aia wale no a he poe hanohano alaila oia hoihoi e kaniailio pu, a ina o ke ano wahine kela a kekaihi kanaka e mare aku ai, alaila e alio ka make e ana o ia kanaka mamua o kona ae ana aku e noho me kela wahine maloko o ka hale hookahi. "Mawaho ae o keia mea a'u e hoike aku nei no ke ano o kela kaikamahine au e manao mai nei i wahine na'u aole oia o ka wahine e kohu ai au, a e lilo ai i hoa e loaa ai ia'u ka liauoli ana." Ua lilo keia inau olelo ku i ka nema a Eneki e «hua'i aku nei e ku-e ana ia-'Geterude i mea e hooiia aku ai ka a o ka inaina wela iloko o kona makuahine, a hiki i ka hooholo ana o ua waliine nei, e hana aku ana oia i kekahi mea e hooko oleia ai ka makemake o kana keiki. E haalele nae kakou i ka makua ame ke keiki i keia manawa, oiai ua hoea aku la ko laua kaa mawaho o ka hale i keia. manawa. a ua hoopau ae la no hoi laua i ke kamailio hou ana no kela kumuliana, aka e huli hou ae kakou i hope, pehea aku nei la. o Tina me ka Lede Alebere. I kela manawa a Tina i hoi aku ai noloko o ke keena humuhuniu, ua kali niai la oia o ka huli hoi aku o ka Lede Alebere e kamailio pu me ia e like hoi me kana kauoha, aka mamuli nae o ka lioea e ana mai o kekahi poe malihini, nolaila ua hiki koke ole iaia ke liele mai e ike ia Tina, a hoouna okoa mai la i kekahi o na kaikan.ahine lawelawe e hoike mai iaia, no kekahi manawa okoa aku oia e kamailio pu ai me ia. Me ka hoohakalia hou ole iho, ua hoi pololei aku la o Tina noloko o kona rumi, a me he mea la iaia e noho la iloko me ka poeleele he hookahi wale no mea nui iloko ona, o ia no kona hauoli no kela maii minuke a laua me Eneki o ka lioohala ana ma kela ahiahi. laia i hoomanao ae ai no kona lilo aku i wahine na Eneki, me lie mea la aia oia ke moeuliane la no kekahi mea ano nui loa, ana. e maka'u la o kona puoho ae mai ka hiamoe mai, aole ka mea ana i ike ai, pela hoi ka hiki ole ana mai i ka wa e hookoia ai o na mea .a lauu i ohumuhumu ai ma ia ahiahi. i laia nae ē noonoo loa ana no kela mau huaolelo hoolana a ku no hoi i ke aloha a Eneki e luai aku ana imua ona, ke oiliili pu mai la na hoomanao ana no kā mea pohihihi e pili ana i kona moolelo, a ina aole e maweheia ae ana kela meahuna J pili iaia, alaila aole no e lilo ana kona mare ana i wahi nona e hauoli ai. Ke kakali la no nae oia me ka hoom&nawanui no ka mea aia ie kau la kona maka'u o ka hoea mai o ka minuke a. laua me kona liaku wahine e halawai pu ai, a heaha ana la ka hopena e ikeia ma ia hala.wai ana, a iloko o ka hele a aumoe loa, eia no keia ke ala nei, me ka maopopo ole o ka mea pono ana e hana aku ai. "O e na lani, ke kalokalo ae nei au ,e maweheia ae keia ao ohiamalu e lioopoluluhi nei maluna o ko'u mau makua i hoauheeia ae ai ke kanalua o ko ke ap nei no'uP' alaila hooinanao mai la oia no kekalii kii ana o ka ike ana maloko o kela home ana e noho nei. Ive hoomanao la oia no kekahi hoounaia ana. ona e liele iloko o ka rumi o Geterude, a Oiai nae he mau keena lehulehu kana e komo aku ai mamua o kona hoea loa ana aku iloko o ka rumi o kela kaikamahine, nolaila'ua ike oia i kekalii mau kii lehulehu e kau ana maloko o ke keena kau kii o ka hale, iloko o kela keena oia i manao ni e hele aku e nana malia paha aia maloko olaila ke kii o kona maknakane kahi i kau ai. "E hele aku ana au iloko o kela keena a'u o ka ike ana i na kii leiliulehu i ke kakau, a ke manao nei no au e hiki loa ana ia'u ke hoomanao i ke kii a'u o ka ike ana, o ke kii no ia o kuu makuakane," alaila wehe ae la oia i kona mau kamaa, a komo mai la he mau kamaa noho hale, ame kekahi ihoiho kukui e paa ana iloko o kona lima, na hoomaka aku la oia e hele no ke keena ana i ike ai i na kii. Eia keia ke hele loa aku nei i "kahi o na hora o ka wanaao, a ua like pu oia me kekalii uhane ka maau hele iloko o kela hale iloko o kela hora o ka po, a iaia e hele la, he anoano wale no kaaia mea e lioomaopopo la, aka ke hoomanawanui la no nae oia, oiai he hookahi wale no mea nui iloko o kona noonoo, o ia no ka ike maoli ana aku i ke kii o kona inakuakane. Eia kela rumi ana e hele nei ma ka aoao komoliana o ka hale, uolaila he mau kapuai no ia ana e hele ai a hiki ilaila, a. iaia i wehe aku ai i ke pani puka o ua keena la, me he mea la ua piha oloko i ka j>oe make, lie mea ole po nae ia iaia nei, aka hoomaka aku la oia e hele me ka nana pakalii ana i na kii apau o^oko. He poe kii wale no no na Haku ame na wahine a lakou na kii mua ana e ike la, a pela kona hele malie ana a hiki i ke kii o ka Ela, ua pa'iia paha kela kii i kona manawa he kanaha makahiki, No

kekalii manawa loihi kana ku ana e makaikai i kela kii, alaila ua nee aku la oia a kekahi kii e kau ana ma kekahi aoao iho, he kii ia no kekahi keiki opio nona na makahiki he umi-kumamalua wale no, a i ka Tina nana aku, ua like loa ka palupalu o ka helehelena ame na maka o keia keiki me kona, a ina paha he kaikamahine kela kii, ina aole he lilo o ko laua mau ano. Ma ka aoao o ua keiki opio la e ku ana he ilio nui puhuluhulu, a e kalele ana hoi kona lima akau maluna o ke poo o ka ilio, a ma kona lima hema hoi kona papale kapu kahi i paa ai, a e kau ana kona mau maka maluna o kekahi iole rabaki nui mālalo o ke kumulaau. He mau maka mohaha maikai kona me na ku'emaka eleele, e hoike okoa mai ana no ka ohana Karifoda oia i puka mai ai, a oiai o Tina e nana aku ana i ua kii nei, aia kona mau lehelehe ke eueu la, aka ua nee hou aku la nae oia a ma kekahi kii e kau ana ma ka aoao o ke kii o ua keiki nei, a o keia kii no kekahi keonimana opio ia nona paha na makahiki he iwakalua, aka ma na ano apau loa, aole he wahi lilo o ke kii o kela keiki opio, a ke uumi wale la no o Tina i kona hanu, no kona piha loa i ke pihoihoi. Ke hoomaopopo la oia, ua kulike loa kona helehelena me ko keia kanaka, a no kona manaoio loa no o kela kona makuakane, ua hiki ole iaia ke uumi iho i ka hookahe ana aku i kona mau waimaka, a hiki i kona pane okoa ana ae i ka olelo ana: • "O! ina paha he hiki ia oe ke'olelo mai i na mea huna e pili ana ia'u, ina aole no hoi e lilo keia noho ana i mea hoehaeha mai i kuu mainao Ke ike aku nei au i kou kii, a ke hoomaopopo aku nei au, o oe no ka i'o o kuu i'o ame ke koko o kuu koko, aka aole loa nae au i ike i kou helehelena Ina paha i loaa ia'u ka mana e hookomo aku ai i ka hua-olelo ma kou waha e hoopuka mai no hoollialii minuke, ina ua hiki ke hoauheeia ae ke kanalua a ko ke ao nei no'u no kau keiki." Ua uwai loa aku la oia i ka ihoiho kukui a kokoke i ke kii, a me he mea la e nana maoli iho ana no na maka o kela keonimana maluna ona' e-like me ka makua i ke keiki, a me he mea la i pa'iia ae kona papalina kona piha me ka hikilele, ua ike aku Ia oia, aia ma ke kaula uwaki e lewalewa ana ma ka pakeke o ua keonimana la, he ke'a i wiliia e ka moonaliesa. MOKUNA XXVII. "Auwe!" i hooho ae ai ua o Tina me ka haalulu. "Aole he lilo 0 ke ke'a a'u e paa nei i keia a'u e ike aku nei maluna ou," a ia manawa i wehe ae ai o Tina. i ke ke'a ana e lei ana ma kona a-i a lawe aku la no ka lioohalikelike ana me kela ke'a iloko o ke kii. He oiaio ua kulike loa kela. mau Ke'a a elua, a no ka hiki hou ole iho ia Tina ke hoomanawanui no kona piha i ka, eehia ame ka pihoihoi ua hina malie iho la oia iluna o ka papahele me ka waiho ana iho i kana ihoiho kukui a noke iho la i ka uwe. | "O! aole e hiki ia'u ke hoohewahewa aku ia oe, o oe io no keia kuu makuakane, ka mea nana mai au," i hooiho ae ai o Tinā mahope o ka. hala ana iaia o kekahi mau minuke ma ka uwe ana, me kona nana hou ana aku iluna o kahi o ke kii e kau mai ana.. "O ina ihe hiki ia oe ke olelo mai, he keu aku ka hauoli o kuu uhane e ike i ko kaua pili. "Auhea oe e kuu makua. e hoikh mai ano, he kuleana anei kekahi o'u i ka inoa e o la maluna ou? E hele auanei au iloko o ke ao nei, me kela hapala maluna o kuu inoa ma ke ano he wahi kaikamahine kama ole?" Nana hou aku la o Tina. i na maka o ka mea nona ke kii e kau mai ana, a me he mea la i kana lioomaopopo aku, he minoaka kana e ike la ma na papalina, a ke kau iho la liona mau maka me ka nana oluolu ana iaia nei, a ia nianawa i hooho liou ae ai ua kaikamahine la i ka i ana ae: "Ma kou mau ano apau a'u e nana aku nei, he kanaka oe e hiki ole ai ke hookau aku i kekahi kiko eleele maluna o kou inoa, a e like me ka'u e manaoio nei, i>ela auanei au e pulama ai i kou inoa nnaiemae a liiki i ka maweheia ana ae o ka mea huna e pili ana. i' ko'u moolelo," me kela mau olelo hope, a me ka nana hou ole aku 1 ua kii nei, lalaai aku la oia 1 i ka ihoiho kukui ana, a o kona hoi aku ia no ia me na kaina wawae palanehe no kona rumi moe. He mau minuke helu wale no ia mahope iho o ka liala ana aku o Tina, ua hemo mai la ke pani puka ma kekahi aoao) aku o ka rumi o na kii e kau ana, a komo mai ana kekahi mea a ku mamua pono o ke kii a Tina o ka haalele ana iho. Koe ae la oia i ke kūkaepele, a. mamuli o ka malamalama o ke ahi o ka a ana ae i hiki ai ke ikeia aku kona lielelielena, a o ua kanaka la o ia no o Lui, ke keiki a ka Lede Alebere. I E hoomanaoia, aia he keena okoa aku ma kekahi aoao o keia keena o na kii, a maloko cr kela keena kela kanaka opio kahi i ala ai me ka nana ana i na mea oloko o kekahi pahu i makanaia īnai i ka Ela, a oia-i he anoano eehia kela po, nolaila i kela manawa k, Tina e noke ana i ke kamailio, ua lolie mai oia i ka leo o Tina, a koe nae kona maopopo ana i na olelo i hoopukaia e kela kaikamahine. Oiai no hoi he j)ani puka aniani ka pnka e pale ana i na līeena a elua, nolaila ua hiki loa iaia ke ike maopopo mai i ka helehelena o Tina, a i kela manawa a Tina o ka haalele ana mai i kela keena. ua wili iho la o Lui i kona> kukui a uuku, a no kona haohao i ka hana a kela kaikamahine, pela oia i hele maoli mai ai e ike nona iho, a i ua. kanaka'opio la e ku ana a nana i ke kii, ua namunamu liilii iho la oia i ka i ana ae: "Heaha la hoi ka hana a kela kaikamahine oloko nei o keia keena, a heaha la kana hana 0 ka nana ana. i ke kii o kuu inakuakane hanauna. He keu aku kela o ke kaikamahine u'i, a aole no au e hoahewa wale aku ana i ko Eneki hoao ana e hele pu me ia, aka e hoao aku ana au e loaa pu ia'u ia haawina pomaikai i kekalii o keia mau la, me kuu makaala loa no nae o loaa pono mai au i kuu makuahine. "O ke kumu o kona uwe ana kekahi mea nana i hoopohiliihi loa mai ia'u aka nae e hoomanawanui ana no~ au a hiki i ko'u hookamaaina pono ana aku me ia, alaila ia wa au e n#ke aku ai i ka niele no na mea a'u o ka. ike ana iaia i keia po," me kela mau huaolelo liope, ua hookomo iho la oia i kana kukaepele iloko o kona pakeke, a hoi aku la no kona rumi moe. . Ua hoohalaia e Tina ke koena o kela po me ka maikai a hiki i ke ao ana ae, a e like no me ka Tina hana mau o ka heluhelu imua o ka Ela, pela no oia i hoea aku ai imua o ua keonimana aoo la. maloko o ke keena humuhnmu, a e nanea ana no oia i ka heluhelu, ua weheia mai la ke pani o#a puka me ka ikaika, a komo ana. no ka Lede Alebere me ka hookaukaulua ole iho, ua noho aku la oia iluna o ke(kahi noho paipai kaawale iloko o ke keena. fJs T o Tina nae, i kela manawa ana i ike aku ai i kona liaku wahine, ua heka,u koke iho la ke kaumalia ma kona mau maka, no ka mea ua maopopo loa iaia, o ka manawa keia e haluku mai ai o na olelo hoinoino like ole maluna ona, no na mea i hanaia ma ke ahiahi akū mamua, Mamuli hoi o ko ka Ela ike ana mai i keia ano kukahalake o kana kaikamahine, ua ano kahaha iho la kona manao, oiai akahi no Oia a ike i kela ano o ka Lede Alebere, me kona manao kuhihewa la i hele mai oia no ka liaawi ana i kekahi kauoha ia Tina no kana mea i makemake ai e hanaia aku nona ma kela. kakahiaka, aka no Tina iho nae ua maopopo mua iaia ke ano o keia huakai a ka Lede Alebere. "Auhea oe e kuu makuakane a Ela hoi o Karifoda nei," i hoomaka mai ai ua kaikamahine nei a ka Ela e kamailio me ke ano pihoihoi. "'I hele mai la au iloko nei no ka papaolelo pu ana me Tina, a ina hoi oe e oluolu mai ana. alaila e hoomoe iki ka olua heluhelu ana s a e hoike aku au i ka mea a'u i makemake ai e kamailio aku iaia i keia manawa. "Auhea oe e Tina, mahope iho o ko'u hoike ana aku ia oe i na

mea a'u i ku-e loa ai ia oe iloko o kekahi manawa ae nei i hala, aka ua hana hou mai no nae oe ia hana hook&hi ma nehinei, me ko naiia ole ae i ka'u kauoha, nolaila e lohe oe ano, ua hoopau aku au i kou noho hana ana mai malalo o'u mai keia manawa aku a u e lioike aku nei i keia mea ia oe. "Eia maloko o keia eke dala e loaa ai ia oe kou uku no keia pule au o ka noho hana ana o. i manuahi no ia uku ou, ua hiuiwi manawalea aku au he liuina dala no elua pule me kou hana ole nu,\ ia'u i kekahi mea, e pono ai oe ke ukuia,"' a waiho mai la oia i eke dala iluna o ke pakaukau, a hoomaka hou mai la e kaiuailio "E haalele iho ana kekahi mokuahi ma ka hora ekolu o keia auwina la, nolaila ua makemake au e kau koke oe a haalele mai ia Enelani nei maluna o kela mokuahi, a na kuu kaa ponoi e lawe aku i kou mau ukana no ka mokuahi me ka hoohakalia ole, a na ka'u mau kauwa hoi e hele aku e kokua i ka hookomo ana i kou ina i ukana apau iloko o kou pahu." Me ko ka Lede Alebere haawi ole aku i manawa no Tina e ka n.ailio mai ai, ua ku ae la no ua hakuwahine nei ona iluna, a hoo maka aku la e hele no kahi o ka puka, aka mamua nae o kona lalau ana ku no ka w r ehe ana inai i ke pani puka, ua pane e aku la kona makuakane iaia i ka. i ana aku: "Healia ke ano oka mea a'u i loli • iho nei e Katarina?" me ka wehe ana ae o ka Ela i kona makaaniani, a knwakuwai ae la hoi i kona mau maka me ke kahaha. "Ua pa.ii ka noho hana ana mai o keia kaikamahine hooka:i>> malalo o'u a aole loa au i makemake e nolio hou mai oia inalalo kaupoku o kuu hale no kekahi la hou aku, ua maopopo aku la .> ia oe ke ano o ka'u misiona o ka hoea ana mai la?" "E hoike mai ano i ke kumu o kona hoopauia ana aku e oe! Heaha ka hewa koikoi a keia kaikamahine i hana ai, i kipakuia akn ai oia me he mea hana karaima la?" i ninau aku ai ka Ela me ka leo kuoo, e liiki ole ai i kana kaikamahine ke pakike mai. "O ka hewa nui ana i haiia ai, a'u hoi i hoopau aku la iaia, o ia no kona uhaki ana i kekahi o na rula koikoi loa pili i ke kulana o ka poe hanohano, e hilahila ai oe, ke lohe aku, aka aole nae o'i? makemake e hoike aku ia oe ia mea," me ka aaki ana iho o ke ku'i 0 ka Lede Alebere. "No ka pono o keia kaikamahine ame kou pu hoi kekahi, ke koi aku nei au ia oe, e hoike mai j ka mea a keia kaikamahine i hana ai, i ike aku ai au i kona uhaki ana i ka rula au e olelo mai nei ame ka ole!" "No kou makemake e ike i ka hewa a keia kaikamahine i hana ai ea, nolaila eia mai. He hookahi la mamua ae o ko kakou haalele ana aku ia Ladana, ua hoi pu mai o Tina me ka Haku Eneki Hoborona me ke kuikui lima pu ana, a ina paha oia he kaikamahine 1 ike ia mea he hilahila, aole oia e ae aku i ka hele pu ana me ke keonimana i oi pakela ae ke kiekie ame ka hanohano mamua ona r aka he keu no nae ke akamai o keia kaikamahine i ke pale ana ma kona aoao no kona pono. Aole no hoi ona ike iho he oi loa aku: ka pono o ke kahea ana aku i kekahi kaa no ka hoihoi ana mai iaia, eia nae aole oia i hana pela. "No ia hana ana a ia nei, i hoike aku ai au i ko'u manao maolu aole o'u makemake e ike hou iaia e hde pu ana me kekahi mea 5 kulike ole kona kulana me ia, eia nae ma nehinei aku la, ua ike hou au iaia nei e hilinai aku ana iluna o ka lima o Eneki, a e hoi like mai ana me he mau ipo la ua hoopalau, aka he hookahi mea ī koma loa ai ka hilahila iloko o'u, o ia no ka ike pono ana aku o ka raakuahine o Eneki i kela hiohiona. "Ua kokoke loa au e maule i kela manawa no ka piha i ka hilahila, a e lilo ana paha kela hana a keia kaikamaliine i ineu no'i? e kamailioia mai ai e ka Lede Hoborona mamuli o ka ia nei hana." Iloko. o keia manawa a ka Lede Alebere e noke nei i ka hu'e pau i na olelo no Tina e hewa, ai, aia no ua kaikamahine nei ke hoolohe mai la me ka hele hoi o kona kino a pololei, aka ma koua mau< papalina nae, ua hele ia a lamalama me he ohia. pala la no ke kuahiwi, a i wahi e liapala ole aku ai na olelo lioinoino a kona haku wahine maluna ona, nolaila ua hoomaka mai la oia e pane i ka i ana mai: "Auhea oe e kal Lede Alebere. ke kaumalia loa nei au no ka iko ana. aole oeJ hoike ae nei ika Ela ika mea pololei. Ke liooiuauao la oe, aiole ma kekahi ano okoa ae i lioi pu ai ka Haku Eneki me a'u no ko'u lmle aka mamuli no ia o kona manao ponoi iho, no ka hoopakele ana ia'u mai ka hoopilikiaia mai e kekahi kanaka i hoai> e kau mai i kona liuia maluna o'u. "No ko'u lioi like ana niai me Haku Eneki ma nehinei a.ku la, mamuli wale no ia o ko maua halawai pu ana ma kahi e kokoke l.i i ka malapua." "Malia paha hoi ua aoao mua no hoi olua e lialawai ma kela walii!" i pane mai ai ka Lede Alebere ma ke ano pahenehene. "Auhea oe e ka Lede Alebere, aole wale i lilo kena mau olelo au i mea hoehaeha mai ia'u, aka ua hoehaeha pu aku oe i ka manao o kau malihini ma kou kapa ana i ko maua lialawai ana, ine he mea la ua hoolala mua ia e maua," a he mae ia o ka. helehelena 0 ka JUde Alebere no keia pane pololei a Tina e ku ai ua waliine la 1 kahi o ka hoka. "Aka no ka makemake ole nae e haule pio malalo o keia kaikamahine, nolaila ua hoomaka hou mai la oia e kamailio i ka i ana maji: "Alaila ke olelo mai nei anei oe, aole i maopopo ia oe, ini hoea mai ka Haku Eneki Hoborona, a ua hala aku oia i ka holohohi me ka makaikai ana maloko o ka pa nei?" "Ua maopopo ia'u e hoea mai ana oia e ike ia oukou, aka aole loalhe wahi haili iki iloko o'u e ike ana au iaia, aka ma ka ulia laki wale no o ka manawa, ua halawai pu iho la maua, a mamuli no o kona paakiki, ua koi mai la oia, nana e hoihoi mai ia'u no ka hale nei, a pela iho la oe i ike ae ai i ko maua hoi pu ana mai ma nehiuei." "He keu aku oe o ke kaikamahine hilahila ole; Auhea kou lunaikehala ame kou ike rula? 'Ua hiki loa ia oe ke hoole aku i kana koi mai ma na ano apau. "Manao anei oe hoihoi ka makuahine o Eneki i ka ike ana aku i kana keiki e hele ana me kekahi walii al/iuka e like la me oe? Me ko hoomaopopo no, o ka'ū kaikamahine ka mea e hoopipili lo i nei me Eneki, a o ko Eneki hoa mau no hoi ia e hele mau uei, lioao no nae oe e aihue aku i ka noonoo o Eneki, i wahi nona e hoowahawaha mai ai ia Ueterude ka'u keiki. "E aho no hoi paha, ina e hele peeia ae e oe ma ka puka mahope o ka liale nei aka no kou hookano maoli uo, me ka noonoo ole iho, owau ka haku maluna ou, ua lioi pololei mai la no olua ma ka l>uka mamua, kahi a'u e ku aku ana me ka'u malihini, no ka lioumakaukau ana e lioi aku no kona home." Akahi no o Tina a, hoomaopopo maoli i ke kuniu nui o ka makemake ole ana o ka Lede Alebere ia Tina e nolio hou iho maloko o kela hale, eia ka ua lioolala muaia na mea apau no ka mare aku o Eneki me Geterude, a o keia *mau kumu ano ole e kamailio ku-ei«\ aku nei nona, lie mau mea hoouhiuhi wale no ia no ke kiiniu oiaio maoli, aka ua pane aku la no nae o Tina me ka leo malie, me ka nana ole aku i ka hele o na maka o ka Lede Alebere a piha i ka ihuhu: "I mea e hoo]tokoleia ai na kamailio ana, ke manao nei au, aoh? loa he mea a'u i hana aku ai, e hilahila ai au." ( Me he poka pa-hu la keia mau wahi huaolelo uuku a Tina o ka> pane ana aku, ua ulupuni loa ka Lede Alebere i ka huhu, a e hoomakal mai ana oia e kamailio, ua hamama e mai la ka puka. a komo mai la kekahi o na kauwa a i mai la aia o Haku Eneki i ka hale olalo kahi i kali ai. ua makemake oia e ike ia Tina. "Heaha kau o ke kamailio ana mai nei?" i huli koke aku ai ka Lede Alebere e kamailio i ke kauwa, me kona. manao la ua lohe hewa aku oia i ka mea a ua kauwa la o ke kamailio mua ana mai. (Aole i pau.)