Ka Nupepa Kuokoa, Volume XLVI, Number 30, 23 July 1909 — HU I KULA KA AUWAA PANANA OLE. [ARTICLE]

HU I KULA KA AUWAA PANANA OLE.

Hu ka aka o ka mea unuhi o ke Kuo-1 koa i ka ike ana iho i ka manao hoakaka o kekahi mea i holo pee ae ma ka inoa o Mai Lele Mioi o ka mioi ana ae maloko o Ka Lanakila ma kona Helu 3 o ka Poaha aku nei i hala e hoole mai ana i ka pololei o ka unuhi ana a ke Kuokoa i ka huaolelo "Liberty" he "Kuokoa," a hamau loa hoi i ka nema ana ae i ka "Lanakila" he "Victory." j Ike kilohi ana mai mua mai o kona mau manao hoakaka a hiki i ke pahemo ana aku mahope o ka huelo, aoJ® he wahi e hoole mai ana i ka unuhi ! ana a ke Kuokoa; koe wale no kona hoomahuahua ana ae i kona pouliuli ame kona lalau e kohu ai ke hooheno ae: ''Hihi Kaunaoa hihi i Mana, Aloha wale ia laau kumu ole," Pehea hoi e nele ai ka hene o ka aka, i ka ae okoa ana mai no o ua o Mai Lele Mioi a mioi no nae i ka lalau 0 ka unuhi ana a Ka Lanakila i ka huaolelo "Liberty" he "Lanakila," mamuli no o na lalau ana o ka apakau ana mai nei. Ua hoohalike mai nei oia i ka wahine moekolohe me ka unuhi ana a Ka I Lanakila, a i ka mea unuhi hoi o ke : Kuokoa e like me na kanaka na lakou i lawe aku i ua wahine la imua o ka Haku, a ma na pane nae a ka Haku e hauhili ai ka ai a Kawele-a i ua o Mai Lele Mioi e like me keia: "Na ka mea hewa ole o oukou e e pehi mua iaia i ka pohaku." "E hele oe mai hana hewa hou aku." | Ko-ha pono aku la paha ka la6 o ka I pilikua ea i ka a-Ia maa a Davida!, Ae ua ko-ha aku la a no ka mea ua .hooia aku ka Haku imua o ka wahine j 1 kona hewa me ke a'o pu ana aka iaia aole e hana hewa hou, aole anei hoi nou keia olelo a'o kupono loa e Mai Lele Mioi kokua hewa? Ke i mai nei ua o Mai Lele Mioi, eia ka ke kau nei ke alina o ke kuhihewa i ka mea unuhi o ke Kuokoa, e like me kana e kapa mai nei o ka huae, olelo "Kuokoa," he hoike ano ia (adjective) oiai hoi he ha'i inoa (noun) ka huaolelo u Liberty," nolaila o ka ha'i ano (independent) ka ke Kuokoa 0 ka unuhi ana ae i ka huaolelo ''Liberty" i "Kuokoa." Ha! ha! huhewa ke Kalaudina, Ke huli hele nei ke Kinau. ' O ka hua'olelo "kuokoa" he ha'i inoaia (noun) o ia hoi ma ka olelo Beritania, he "Independence;" "Libērty " t < freedom;" a na Mai Lele Mioi" i hoopili lalau ae mamuli o kona ano lalau iho. Nanahu paha auanei i ke alelo la! O ka huaolelo "Lanakila" 1 he ha'i inoaik (noun) o ia hoi he "Victory;" "Triumph;" e like 'me ka ke Kuokoa o ka hoomaikeike ana ae ma, kona helu 28 o ka Ia 9 o keia mahina. Penei e pau ai ka lalau o Mai Lele Mioi: The "Independence" of Hawaii. Ke "Kuokoa" o Hawaii. The prisoner has his "Liberty." Ua loaa Ika paahao kona "Kuokoa." His days of were" over. Ua hala kona mau la o ka noho "Kuokoa" ana. The "!Freedom" of press. Ke "Kuokoa" o ka papa pa'i. E ike mai oe e Mr. Mioioi aia ke ku mau la ka huaolelo "Kuokoa" ma ke ano he ha'i inoa (noun) e like me ia" i unuhiia ae ai mai kona manao maoli mai ma ka olelo Beritania "Liberty;" "Freedom," '' Independence." Aole he mea e ae nana i hoopuiwa' a i hoohikilele mai i ka manao o ke Kuokoa, koe wale no kela mau huaolelo moakaka e kau ana maluna o ke poo o ka aoao 3 o ka Helu 1 o Ka Lanakila o ka oili ana ae e hoohewahewa ole ai no oe ke alawa iho: LIBERTY —LANAKILA. No kela mau huaolelo ka ke Kuokoa o ka paha ana ae, ina no ka hakoko kalaiaina mai ka "Lanakila," alaila he "Victory" kona ano; a ina hoi no ka "Liberty" mai ka iini ame ka li'a alaila he "Kuokoa" ke kohu, a no ka hooku'i nae paha me keia Kuokoa ke kumu o ka liookapeke ana ae? Aole ka ke Kuokoa iie nema, e like me kau e Mai Lele Mioi e nema mai nei, a poholo auanei paha la i ka lua au o ka eli ana mai la no ha'i! He hoopa-hu he hoopa-ke kana i hana aku la i pau lea pilau, a o ka olelo a'o mai keia mau hoakaka mai e ola ana ka ma'ihehe o ka mea lawe a malama i keia mau hoakaka. 0" ke aloha no kou e Mai Lele Mioi me ka lana o ka manao e pau ana kou hoopili ano e ana me na hoomaloka. Kou oiaio, KUOKOA.