Ka Nupepa Kuokoa, Volume XLVI, Number 30, 23 July 1909 — MOOLELO O KA AHA KULA SABATI AHAHUINA O MAUI, MOLOKAI AME LANAI. [ARTICLE]

MOOLELO O KA AHA KULA SABATI AHAHUINA O MAUI, MOLOKAI AME LANAI.

(Koena mai kela pul» mai.) Na J. K. Kahoopii i noi mai e kapaeia na rula, aponoia. Nana no i ka hoike Komite o na hoike Elele. Mr. Peresidena D. W. K. White, AJoha oe: Eia iho ka makou hoike e pili ana i na Kula Sabati i loaa i kou Komite. He 16 ka nui o na Kula Sabati i loaa mai e like me ia i hoikeia malalo nei, penei: He 8 Kula Sabati ma ke kulana kumau o ka hana, Paia, Haiku, Kaupo, Kahului, Wainee, Keanae,- Wananalua ame Kaluaaha. He 8 Kula Sabati ma ke kulana nee mua ma na hana, Wailuku, Puunene Camp 1, Waihee, Kalaiakamanu, Halawa, Pupukanioe, Waialua ame Kalaupapa. He 2 Kula Sabati helu ekahi ma ka uku ana i ke Ola Kahu no eono ma* hina, oia o Puunene ame jxalaiakamanu. He 2 Kula Sabati e kinai nei i ka moonui ulaula (Hale inurama) o ia o Kaluaaha ame Kalaiakamanu. He 1 Kula Sabati helu ,ekahi ma ka mahelehele ana i na hana Kuula Sabati ame ka hoonee ana i na hana ma ke kulana holomua, o ia o Waihee. He 6 mau Kula Sabati e kokua nei i na luakini, a Hale Kahu ma.ke kul;ulu a hoomaemae hou ana. O na Kula aSbati o Molokaii Nui a Hina o ka heke no ia, oia na Kula Sabati o Kalaupapa, Kalaiakamanu, Halawa, Waialua, Honouli, Kaluaaha ame Puunene Camp 1. Ua manao kou Komite e a'o aku keia Aha i na Kula Sabati e hele mai na Hoike Elele apau imua o keia Aha me na ike apau e pili ana i ko lakou mau Kula Sabati, ko lakou holomua ame na hana e holomua ai ame na | mea keakea o na ano apau i hiki ai i I keia Aha ke ike i ka hana e hana ai no kona mau Kula Sabati malalo o kona malu. Na Komite —Isaac D. laea, Peter Emmsley, J. K. Kahoopii, aponoia. He mau olelo a'o a hooikaika na ka Peresideaa imua o na Elele e hana i ka lakou mau hoike no ke kau e hiki mai ana e like me ke kauoha a ke Komite. Oia maoli no ka pololei. Na L. B. Kaumeheiwa i noi mai e kapaeia na rula, aponoia. Nana no i ka hoike Kahu Kuia Sabati Nui ame na Kahu Kula Sabati Apana. Mr. Peresidena, me ka mahalo: He 34 ka nui o na Kula Sabati malalo o keia Aha, eia nae he 10 wale no mau hoike Papahelu i hoea mai, Haiku, Keanae, Hana, Kaupo, Puunene, Kahului, Waialua. ame Honouli, Kamalo, Wainee ame Kalaupapa, a o ka nui iho aia la ihea? Eia na mea i hoomaopopoia ma na hoike i Joaa mai, pokii 66; pokii wahine, 66; Opio kane, 52; Opio wahine, 53; makuakane, 79; makuahine, 102; huma nui, 418; hoike Hapaha, 14; komo i ka hoahanau, 4; na dala loaa, $349.80; na dala hoolilo, $264.90; koena ma ka waihona, $84.90. Eia hou. O ka hoike a ke Kahu Kula Sabati Nui o na Kona o Molokai o ia kekahi o na hoike maikai loa i komo mai i keia Aha, a keia Aha hoi e haaheo ai i ke ano o ke kanaka a lakou i hoonoho aku ai e kiai a ua ike ia ka mikiala, ka hoeueu ana i kona mau Kula Sabati. A e lilo auanei kana hana i hana ai i mea na kekahi mau Kahu Kula Sabati nui e hahai ai. No Maui Komohana ua nele loa keia Aha i ka lohe ana i na hana o kona mau Kula Sabati, aka nae, mamuli o ke koho houia ana he mea okoa ma kahi o ka mea mua ke manaolana nei kou Komite e lohe ia ana na hana 0 keia mau Kula Sabati ma k6ia mua ae. Na Komite —L. B. Kaumeheiwa, David Murray, S. K. Makekau, aponoia ka hoike. Na D. W. K. White i leamailio mai, ua ili aku ka hemaliema maluna o na Kahu Kula Sabati Apana, ua hoea mai na Hoike Elele aole iho la ka hoike a ke Kahu Kula Sabati Apana. Nolaila, e kauohaia ke Kakauolelo o keia Aha e hoolaha aku ma ka Hoaloha e hiki kino mai na Kahu Kula Sabati i keia kau ae, a i ole e hoouna mai i ka lakou mau hoike Papahelu. Kokua nui mai o Timoteo ame laea 1 keia manao. A wahi a laea e hoike aku ke Kakauolelo i na Kahu Kula Sabati Apana, e kuai i buke hoopaa inoa no na haumana, e kiko a hoopaa iho i na mea apau, aponoia. Noi mai o Mrs. Nua e hookuu aku iaia, aeia, Noi mai o White e hoopane-e keia halawai a noho hou mahope iho o ka pau ana o na hana hoike o ka la apopo, hooholoia. iioopaneeia me ka himeni Leo Hoonani aoao 25 ame ka pule a White. LAHAINA, Maraki 27,—N0h0 ka halawai o ka Ahahui Kula Sabati ma kona wahi mau, hora 2:35 p. m., D. W. K. White, Peresidena ma ka noho. Hoomakaia na hana me ka himeni Leo Hoonani aoao 27 ame ka pule a White. Na Timoteo i noi mai e kapaeia ka heluhelu ana i ka moolelo o ka halawai i hala, aponoia. Hapaiia ka noonoo ana i ke Kumiihana i hoopaneeia, Ke Alahou ana. Na Henry P. Judd i kamailio nui mai e pili ana i ke alahou ana o ka Haku. Kokua nui mai o Timoteo ame Bumham maluna o ia manao hookahi. Na Samuel Kapu e waiho i keia Kumuhana iloko o ka lima o ke Komite Wae a hui pu me ka Aha Makua, ko--1 kua a hooholoia. Na Mrs. Sara"h A. Kahokuoluna i noi mai e waiho puia aku keia Kumuhana i ke Komite Wae o ke Kula Sabati,, hooholoia. | Hoopaneeia ka halawai ma ke noi a Timoteo. Hookuuia me ka himeni Leo Hoonani, aoao 2 ame ka pule a S. K. Kekoowai. LAHAINA, Malaki 30.—Noho hou ka Ahahui Kula Sabati, hora 5:25 p. m., D. W. K. White, Peresidena ma ka noho. Na Mrs. Sarah A. Kahokuoluna i noi mai e hilinai >keia Aha i kona moolelo ma o kona Kakauolelo la, aponoia. Na Henrv P. Judd i kamailio mai e pili ana i "na Kahu Kula Sabati Nui mai koi a auhau wale aku i na Kula Sabati i ko lakou uku ia mai, aka, i ka mea e loaa mai ana mamuli o ke aloha ia mai. Kokua nui mai o White i keia manao o ka Lunahoohana nui o na Kula Sabati o ko Hawaii Paeaina. Hapaiia ke koena o na Hoike Kahu Kula Sabati Nui. Na ke Kakauoielo i ko Maui Waena, aponoia. Na L? B. Kaumeheiwa i noi mai e

kapaeia na rula, aponoia. Nana no he Olelo Hooholo, Hooholoia.—O na loaa apau o keia kau e noho nei keia Aha mahope iho o ka laweia ana o kona mau hoolilo kumau e holo aku no ke koena o ia mau dala i ka Ekaleaia o Wainee, hooholoia. Noi ia mai e hoopaneeia keia halawai ma kahi wa kaawale o ka la apopo, hooholoia. .Hoopaneeia me ka himeni Leo Hoonani aoao 188. | LAHAINA, Malaki 31.—Noho hou | ka Aha, hora 3 p. m., Rev. I. D. laea, Hope Peresidena ma ka noho. Hapaiia ke koena Hoike Papahelu Kahu Kula Sabati Apana. Na ke Kakauolelo i ko Wainee, aponoia. A oiai aole he hana i koe a ka Aha e noho hou ai o ka hookuu wale aku no; nolaila, ua haawiia i manawa paipai manao pokole mai a White, Kauka am« laea. Hoopanee loaia ka halawai a noho hou i Sepatemaba, 1909. Hookuuia me ka pule a W. White. S. H. KAUILAOKALANI, Kaakuolelo.