Ka Nupepa Kuokoa, Volume XLVI, Number 30, 23 July 1909 — HE HOOMAIKAI. [ARTICLE]

HE HOOMAIKAI.

0 makou o na hoa o ka Ahahui Kula Sabati o na mokupuni o Maui, Molokai ame Lanai, i noho iho nei a malama i ka hana, ka hana hoi nana e hookiekie ae a e hoomau aku ai hoi i ka hanohano maluna o ko kakou aina aloha, a i malamaia ai ua hana la ma ka Betela o lehova ma Halealoha, Lahaina i ka Malu Ulu o Lele, a e pomaikai auanei ka lahuikanaka e hahai aku ana laia. Nolaila, o makou o na hoa apau o ia Aha a i ha'iia maluna ae, a ma o ko makou Kakauolelo la ke haawi aku nei makou i na hoomaikai ana ame ka mahalo piha i na hoahanau, na makamaka ame na hoaloha o ka Ekalesia Makua o Lahaina nei, i ko lakou wehe ana ae i ko lakou mau puuwai pakahi, a haawi mai la i na kokua ana e pono a e oluolu ai ke ola kino o na hoa o keia Aha. A ke liui pu nei ka makou noi ana me ka lokahi imua o ka Mea nona mai na haawina maikai apau, e hoomauia mai kela haawinā aloha iloko o ko oukou mau puuwai pakahi, ka haawina hoi e mokuhia ole ai i na waikahe he nui,\a e hookauia maluna o lesu Kristo ka pohaku kumu kihi naue ole e onipaa ai no ka wa mau loa. A maluna ae o na mea apau, mai poina i ke kaula gula kaakolu e mokuhia ole ai, e hana i ka pono, a e malama i ka i noho ka hanohano ma ko kakou aina. A ke hooiaio nei makou i ka makou mau olelo hoomaikai ma ka inoa o ko kakou Haku Aloha lesu kristo, a oia pu no me kakou a hui hou-i ka wa pono. 1E na kini o ka la'i o Hauola e, oluolu e lawe aku i keia hoomaikai ana. • Me ka mahalo, SWEET H. KAUILAOKALANI. aKkauolelo a Komite Pa'i. Lahaina, Maui, Malaki 27, 1909.