Ka Nupepa Kuokoa, Volume XLVI, Number 30, 23 July 1909 — NA WAHINE VIRIGINA HE UMI. [ARTICLE]

NA WAHINE VIRIGINA HE UMI.

E Mr. Sol. Hanohano, Esq., Aloha pumehana pu kaua: Alaila, e hoohalikeia ke Aupuni o ka lani me na wahine puupaa he umi, na lakou i lawe i ko \akou mau kukui, a hele- aku la iwaho e halawai me ke kane mare. Elima o lakou i aaauao, elima hoi i naaupo. Maf. 25:1-2. O keia mau. olelo i puanaia ae la no ka uwehe muaia ana ae la, mai na pauku mua ae la o keia mokuna, ua pili pono aku no ia no ka manawa i wanana e ia mai ai, e hookoia ana ia me ka maopopo lea loa, wahi a ko kakou Hoola, i olelo mai ai ma keia mokuna ae ]a ame na kuhikuhi ana no hoi no kona hiki e]ua ana mai me ka nani. E hoomaopopo nui ia, o ka huaolelo Yirigina ua pili aku no ia i na haumana a Kristo apau loa, a i ole o keia Ekaleaia, i ike nuiia o ke Aupuni o ke Akua, e pili ana i ka pili ohana kokoke loa. Penei ka Paulo kakau ana, ke. minamina'nei au ia oukou me ka minamina o ke Akua, no ka mea, ua hoopalau aku la au ia oukou na ke kane hookahi, i haawi aku ai, ia oukou i wahine puup'aa hala ole na Kristo. n Kor. ii:2. 6 keia Ekalesia o Kristo ua hai'olelo ia aku oia ma ke ano, oia kekahi e hoomakaukau iaia iho, no ka halawai pu ana aku me ke kane hoopalau i kona hele ana mai, ke hoohanaia nei na olelo me ka nani nui, no ka hoike ana ae i ka maemae ame ka hemolele o ke kulana i loaa mai ma o na hoahanau la, a lala Ekalesia, a o. ka Ekalesia poo hoi. A nolaila, e hana aku na haumana apau loa i mea e unu ia mai ai keia kulana e iini nui ia nei, Eia hoi ka lea Lunaolelo punahe]e i ha'iolelo aku ai i na Ekalesia mai o a o, penei: ' E olioli kakou, a e hauoli hoi, a e hoonani aku iaia; no mea, ua hiki mai ka mare ana o ke Keikihipa, a ua hoomakaukau kana wahine iaia iho. A ua haawiia mai nona & aahu i ka. lole nani keokeo aiai, no ka mea, o ka lole nani, "Oia ka pono o ka Poe haipule." Hoik. 19:7-8. Ke kuhikuhi mai nei lea Haku i ka aahu e komo ia, oiai, ua hoolakoia mai a ua hana ia a makaukau, a ua a'o ia mai oia e komo i kona aahu lilinā nani. E ala, e ala, e aahu i kou ileaika e Ziona; e komo i kou mau ]ole nani, e lerusalema, ke kulanakauhale laa. Isaia 52:1. 0 Ziona ke leulanakauhale o ko kakou Akua, o Ziona leeia, ka maemae ma ka naau. Berita ame na Kauoha 94:5. Ua lawe aku na wahine naauao i aila iloko o ka lakou ipu, me ka lakou ipukukui, a o keia ipu, ua piha i ka aila mai na ipukukui nunui ae e aa mau ana, oia hoi na haumana a Kristo a e ikeia hoi ma o ke kamailio ana a ka Haku no Paulo, penei: He Ipu oia na'u i koho. Eia hoi ka Paulo. I rke hoi oukou apau i ka malama i kana ipu ae ; a i kana ipu ae, me ka maemae ame ka maikai. I Tesal. 4:4. A i ka Paulo kakau ana ia Timoteo penei. A i]oko o ka hale nui, aole o na ipu gula nme ke dala wale no alea, o ka laau ame ka lepo, kekahi; no ka hanohano kekahi, no ka hanohano ole kekahi. A ina i hoomaemae ke kanaka iaia iho ia lakou, e lilo no ia i ipu hanohano, i hoomaemaeia e pono ai ka Haku, a makaukau hoi no na hana maikai apau. II Tim/ 2:20-21; Boma 9;21-24; I PeteTo 3:7. O ka aila he hoailona ia no ka Uhane 0 ke Akua, o ka mea hoi i haawiia mai 1 na haumana, he kokua kiai mau e like me ia; i ikeia ai, penei: A piha ae la lakou apau i ka Uhano Hemolele; a hoomaka lakou e ole]o aku me na olelo e, e like me ka liaawi anā mai o ka uhane ia lakou e olelo aku. Oih. 1:4; 2:4-7; 55; 9:17. Ua loaa piha mai no ka Uhane ia lesu Kristo, penei: A owau, o loane, ike aku la aii, aole i loaa mai laia ka piha ana o ka nani i kinohi, aka, loaa mai la iaia ka lokomaikai maluna o ka lokomaikai, aole no hoi i loaa iaia ka piha ana i kinohi, aka ma ka hoomau ana ma ka lokomaikai a i ka ]okomaikai, a hiki i ka loaa ana iaia o ka piha ana; a pela oia i kai>aia ai o ke Keiki a ke Akua, no ka mea, aole i loaa laia ka piha ana i kinohi. A hoike aku la au o loane, aia hoi hamama ae la ka lani -a iho mai la ka Uhane maluna ona, e like me ka Nunu, a noho iho la maluna Ona, a pa-e mai la he leo mai ka lani mai me' ka i ana 'o ka'u keiki punahele keia. A owau o loane, ke hoike aku neii, ua loaa mai iaia ka piha ana o- ka nani o ka Ma< kua; a ]oaa mai !a iaia ka mana apau, ma ka lani -a ma ka lionua; ame Ia no ka nani o ka Makna, no ka mea, noho no oia iloko ona. Ua loaa mai ka uhane i na haumana a Kristo ma ke ana ia ana, e like me ka nui o ko lakou hoopono, a pela hoi me lea hana i waihoia ma ko lakou lima. e like me ia i ikeia malalo iho nei: Aka no ke keiki, o kou nohoalii, e ke Akua, e mau loa ana no ia; a he hoailona moi o ka pono ka hoailona moi 0 kou aupuni. Ua makemalee hoi oe i ka pono, a ua inaina i ka hewa, nolaila, e ke Akua i poni ai kou Akua ia oe, me ka aila o ka o]ioli maluna o kou mau hoa. Heb, 1:8-9. 0 ka Ipukukui, ua hoohalikeia ia o ka olelo a ke Akua, penei ka Davida: He kukui no kau olelo no ko'u man wawae, a he malamalama hoi ia mi ko'u alanui. Hal. 119:105. Eia ka Solomona, penei: Aka, o ke ala o .ka poe pono, ua likeia me ka malamalama e aa ana, e mahuahua mau ana i ke awakea. Na Sōl. 4:18; 13:9;»24:20. O Kristo oia ka malamalahia o ke ao. Ua haawi piha mai ka Uhane laia 1 ka ike piha no na olelo, ame ka hoomaopopo pau pono loa i ka makemake o ke Akua; a na ka uhane i hoeueu iaia e haawi me ke kanalua ole i na hoololie ana i ka makemake o ka Makua, o kona hoolohe ana, ua alakai ia aku ia i hooko piha ia ai o ka olelo a ke Akua, a o kona malamalama ua hekau iho ma ke ano maemae loa, ame ka piha pono- ame ke akahai o kana ao ana; oiai, ua haawi aku oia i kona malamalama e ikeia mai kona olinolino e na kanaka, i haha ai lakou a hoomau i ka hoolea ana i ke Akua, penei ka Petero: Ua poni ke Akua laia me ka Uhane I Hemolele ame ka mana, nana no i hele a e hana maikai ana, oiai o ke Akua pu me īa. Oih. 10:38. E a'o ana i ka Euanelio i ka poe ilihune ame ka poe waiwai, e hoola ana i na ma'i, ua loaa ka ike i na makapo, ua hele na oopa, ua hoomaemaeia na lepeTa, ua lohe na kuli, ua hoala ia ka poe ua hanaiia na ilihune o kona hooko ana ua hemolele, o kona hoolohe ana ua holopono loa. (Aole i pau.)