Ka Nupepa Kuokoa, Volume XLVI, Number 30, 23 July 1909 — Nuhou Kuwaho [ARTICLE]

Nuhou Kuwaho

CROMER, England, lulai 15, —Ua piholo kekahi mokuluu i keia la mamuli 0 ka hooku'i ana me kekahi mokuahi lawe ukana. He umi-kumamakolu poe 1 make. "WASHINGTON, lulai 16.—E waiho aku ana ka Peresidena Taft i ke noi imua o ka Ahaolelo e kauoha ana e hoopukaia i mau bona i hiki aku ka hnina i ke $40,000,000 no ka hoonee mua ana i na hana o ke alawai oki o Panama no keia mau makahiki e nee aku nei. 17.—Haule ino na Repubalika i na Demokarata ma ka hookuku kinipopo i nehinei mamuli o na aipuni he 26 ia 16, oia na Solona o ka Hale Ahaolelo. Nui na maka hanohano i hele ae e makaikai i ka lealea a na Solona, oi noke aku i ka akaaka a mamae ka iwiaoao. NEW YORK, lulai 18.—He umi poe i piholo a make maanei i nehinei mamuli o ke kahuli ana o kahi mokukiakahi a lakou e kau ana. LEAD CITY South Dakota, lulai 19. —Elua kanaka i make a ewalu i eha kukonukonu loa i ka uwila, i ka wa e malamaia ana kekahi aha kinipopo maanei i nehinei. WASHINGTON, lulai 20,—0 na hoa o ka Ahaolelo e hoomakaukau nei e holo aku no Hawaii, e kau ana lakou maluna o ka mokuahi Siberia ma ka la 24 o Aukake, a e hoohala ana i umikumamawalu la ma Hawaii. WASHINGTON, lulai 20.-Ua hooh»lo na komite kukakuka o ka Hale ame ke Senate e ae aku i kela mahele o ka bila auahau dute maluna o na hui e like me ia i hooponopono houia ai e ka Loio Kuhina Wickersham. LISBON, lulai 20.—Ua hoopalau ka Moi Manuela no ka mare aku me ke Kamaliiwahine Alexandria, ke kaikammahine a ke Duke o Fife. BUTTLER, Penesylvania, lulai 21.— Ua pau i ka hooponoponoia me ka maikai ke olohani o na limahana o ka hui hana hao kila Standard. BUENOS AYRES, lulai 21.—0. ka noho hoaloha ana mawaena o Argentine ame Bolivia, ua mahae, a ua kauohaia ke Kuhina o Bolivia e haalele iho»j,-ka aina iloko o iwakalua-kumamaha l^ora. SAN FRANCISCO, lulai 22.—Ua holo aku o Geo. Woodruff, ka Lunakanawai Amerika Elua no Hawaii, maluna o ka mokuahi Mongolia, no kona kahua hana hou ma Haw^ii.