Ka Nupepa Kuokoa, Volume XLVI, Number 30, 23 July 1909 — E HOOMAKA ANA KE KUKULUIA ANA. [ARTICLE]

E HOOMAKA ANA KE KUKULUIA ANA.

Ua pau i ke kahaia na kii no kela home hou ma ke kahua ma'i o Kalaupapa, a o na dala i lulu a i noiia ai no ua home la ua makaukau, nona ka huina i hiki aku i ka $12.850. Ua manaoia ua lawa keia huina dala e uku ai i na lilo ame ka hoolako ana i kela home, e like me ka hoakaka a ke kahuwaiwai Morgan. Ku ke ahua o ka laau i hiki aku i ke kahua ma'i a ke hoolalaia la ke kahua. Ma ko Morgan manao, e makaukau ana kela home no ka nohoia aku iloko o eono mahina i koe mai keia la aku. He umi-kumamalua mau rumi moe I nunui iloko o kela. home, he rumi hoolaulea iwakalua kapuai ka laula a he kanakolu kapuai ka loa, he rumi hookipa, he rumi aina nui, rumi o ka poe ma'i, rumi hana no na kahumai, rumi kuke, rumi waihō meaai, rumi hoahu o na mea apau, rumi auau nui me ka hoopuniia o na aoao apau me na lanai. Maloko no o ia pa e kukulu ia ana he halemoe no na kahuma'i. .0 ke ano o ke kukulu ana e lawe laweia ana no ia malalo o na kuhikuhi aka Luna Nui J. D. McVeigh. Ua hanaia kela hana nui e na mikanika ponoi iho o ke kahua ma'i. Hookahi kanaka i haawi kokua no kela homo hou' hc $1000. Ona dala he $13,850 he umi kumamakahi wale no poe i haawi i na kokua .me ke komo pu nae o kekahi mau hui. A oiai e kaa ana kela hale malalo o ka hooponopono ana a ka Papa Ola, nolaila he kuleana ko Morgan, ke kahuwaiwai e kamailio ai no na mea e pili ana i kona kulana maikai, a e hoolilo waleia ana no kela hale no ka hana ;. haawi makanaia ai ke dala aole hoi no kekahi hana e ae. He puudala ka i hoahuia ma kekahi waihona kuikawa, no ka hoolako ana i na hemahema e ae o na ma'i inawaho ae o ka lakou ai kumau, he uuku no kela wahi waihona, aka nae ua manaoia e ulu mahuahua ae ana ia a hiki i ke ku ana he ahua nui e lawa ai no ka ai ame kekahi mau hemahema e ae.