Ka Nupepa Kuokoa, Volume XLVI, Number 30, 23 July 1909 — ULUAO'A NA KANAKA OLUNA O KA MOKUKALEPA RITHET. [ARTICLE]

ULUAO'A NA KANAKA OLUNA O KA MOKUKALEPA RITHET.

Me he moa la aole palia ho pilikia e ae i īkeia e like me ia i ulu ae mawaena o na luina ame na aliimoku oluna o ke Kalepa Rithet ma ka Poalua nei, ke noho la ka malamamoku iloko o ka lialema'i, o ka hulipahu hoi iloko 0 ka halepaahao, a o ke kapena hoi iloko o ke kulana kaumaha, a no na luina hoi, me he mea la e pau loa ana i ka hoopauia aku mai ko lakou noho hana ana maluna o kela moku. Ma ke kakahiaka o ka Poalua nei, ua kipakuia mai la ka hulipahu o kela moku 9 ke kapena e hele nouka nei o ka aina mamuli o kona ona, me ke kauoha puia ana mai, aia a pau konā ona alaila hoi hou aku no ka moku. Eia nae i ke kapena i lele mai ai iuka nei, ua hoea aku la ka hulipahu ka moku, a o ka malamamoku wale no ko ka moku ia manawa me kekahi mau luiaa, a no ka manao o ka malamamoku, ua mahia ka ona o ka hulipahu, nolaila ua hoohemaliema oia 1 ke ano o kona noho ana a ke nanea wale la no oia ine ka manao mua ole, he pilikia kekahi e kau aku ana maluna ona. XJa hele pololei aku la no nae ka hulipahu a ku'i aku la i ka malamamoku, a ia haule ana aku o ka malamamoku mai ka noho aku, ua oi loa iho la ka hana a ka hulipahu maluna ona, aōle o ke ku'i wale no, aka o ke peku pu kekahi i kona mau kamaa, a e ole ka holo ana mai o kekahi poe luina e huki i ka hulipahu i kahi e, pela iho la i uuku mai ai ka pilikia i loaa aku i ka malamamoku, eia nae ua hele no a uliuli na maka me ka loaa pu i kekahi mau palapu mamuli o ke pekuia ana me ke kamaa. Ua laweia aku ka mea i hoehaia no ka halema'i, a ua hopuia ae hoi ka hulipahu no ka hoeha. He keu no hoi o ka pilikia wale ae la no kela i loaa i na alii moku, aka ma ia kakahiaka no ua loaa aku la kekahi mau luina ua ona, a hoopa'iia ma ka palima dala pakahiia ana, a ma ka po mai no o ka Poakolu, ua hopu houia no kekahi o ua mau luina nei no ka hoao ana e hou i kona mau hoa i ka pahi. Maloko o ka halewai i ioaa aku ai he elua mau pahi maluna o kona kino i kona wa i huliia aku ai e na makai. Mamuli o ka ikeia o kela"" mau hana hoopilikia a na kanaka o kela moku, ,ua manao. waleia e hoopau ia aku ana lakou mai ko, lakoii; noho hana. ana. maluna o kela moku. I