Ka Nupepa Kuokoa, Volume XLVI, Number 31, 30 July 1909 — HE AHAMELE NA LA HUI HIMENI NIGHTINGALES. [ARTICLE]

HE AHAMELE NA LA HUI HIMENI NIGHTINGALES.

Ma ka po o ka Poaono, ka la 7 o Augate ae nei e haawi aku ana kekahi mau kaikamahine o ka Ua Kanilehua he ahamele ame hulahula maloko o ke K. P. Holo, a ilaila e ike kumaka ai ka lehulehu i ka nani o Hilo. He mau kaikamahine keia no lakoa ka nui he elima, a na lakou nei i houheuhene iho iloko o na hale kii onioni iloko ae nei o kekahi mau pule elua i hala, ka mea nana i hoohauoli aku i ka poe apau i ike a i iohe i ka lakou himeni i»ca. Eia keia mau kaikamahine malalo o ka inoa hui Cresent City Nightingares a malalo o ke alakai ana a H. M. Ayreß, he inoa keia no kekahi ano nianu, a aole no e nele ana ka like o ko lakou mau leo me ko na manu ke kikiko'u. He poe kaikamahine u'i wale no keia, a he mau puukani hoi e nakolokolo ai ka wai o Namōlokama, a ma--waho ae o keia kalena i loaa ia lakou; he lehia ma ke kiina wawae o ka hula alebiano. Iloko o ka papa hoonohonoho o ka lakou mau himeni ma ia po, he umikumamaha mau himeni Hawaii e mele ia aku ana e lakou, he mau himeni nani wale no, a ku no hoi i ka ii ke hoolohe aku, me ke komo pu ana mai nae o ka hui himeni a Waipa, Waipa Glee Club e kokua ia lakou i kela ame keia manawa; a na kela hui hookahi no e hoolawa aku i na mele no ka hulahula. O ka inoa o keia poe kaikamahine, oia o Mrs. Miriam Kalolena, Mrs. Lizzl e Spalding, Mrs. Mary Keawe, Miss Helen Kaaiwela ame Miss Lilia Loa, a ma ka huli hoi ana aku a ka Mauna Kea ma ka la 10 o Augate e huli hoi aku ai lakou no ka Lehua o Panaewa. He hookahi dala no ke tikiki mai ka ahamele ame ka hulahula, a ua.aeia ke keonimana e lawe pu ae i lede no kela tikiki hookahi, a e loaa no na tikiki mai ua mau kaikamahine nei aku, a ia H. M. Avres.