Ka Nupepa Kuokoa, Volume XLVI, Number 31, 30 July 1909 — E HOOKOIA AKU ANA KE KANAWAI. [ARTICLE]

E HOOKOIA AKU ANA KE KANAWAI.

I kulike ai me' ka manao o ke Kanawai Ma'i Lepera hou, ua hoike ae o Peresidena Mott-Smith o ka Papa Ola i kona manao no ka hooko ana aku i ka manao o kela kanawai, a i mea e hiki ai ke hanaia pela, e hoouna aku ana oia i leka i na kauka apau o keia Teritore a pela no hoi i na makai apau n 0 ka hooko ana e like me ka manao o ke kanawai. Ma keia kanawai, ua kauohāia na kauka a pela no hoi na makai e hoike ae i ka Papa Ola i ka poe apau i loaa na hoohuoiia ana aia na hiohiorfti o ka ma'i lepera maluna o lakou. Ma keia keehina a ka Peresidena o ka Papa Ola e lawelawe mai ai e hoike mai ana ia i ka manao e noii pono i ka poe i loohia\i keia ano ma'i e noho mai liei, no ka hookaawale loa.ana aku ia lakou ma ke kahua i hookaawaleia ai no lakou jna Molokai.