Ka Nupepa Kuokoa, Volume XLVI, Number 32, 6 August 1909 — HE MOOLELO NO TINA POLENA A I OLE Ke Kaikamahine Loea Hana Lihilihi o Brukela. [ARTICLE]

HE MOOLELO NO TINA POLENA A I OLE Ke Kaikamahine Loea Hana Lihilihi o Brukela.

MOKUNA XXVIII. "Aole loa bo wahi mea o ia ano i loaa ia'u. Ua noke kuu maImalune i ka huli i na ukana aj»au o kuu makuakane, ua huli pu hoi i ke kahunapule nana laua i mare, me kona manao e hoopuka hou mai oia i palapala mare, eia nae aole he loaa iki, a no kekaln: mau pule loihi kona huli panaho ole ana, eia nae ua lilo wale ia' manawa ona i mea hoomaunauna wale ia. He hookahi wale no kumu nui o ka hooikaika ana o kuu makuahine e loaa mai kela palapala inare o laua, i hoopakeleia ae ai au, mai na ahewa wale ana aku a ko ke ao nei maluna o ko'u mau makua," a hooki iho la o Tina ine ka holoi ana ae i kekahi mau kulu waimaka nunui mai kona papalina ae. Akahi no a ikeia aku ka onioni o ka Lede Alebere, a lamaiama ae la kona mau maka me he mea la ua ike aku la oia i kona wahi e lanakila ai maluna o keia kaikamahine, oiai hoi ka Ela i kulou iho ai i kona poo ilalo me ka noke ana i ka luliluli me ka piha i ke kaumaha. "He keu aku koia o ka moolelo ku i ka ihoakaaka ame ka piba pu hoi i ka epa. Manao anei oe e kena kaikamahine e hiki ana ia oe ke pulapu mai ia'u me keia moolelo hakuepa au? No kela ke'a ke manaoio nei au, no Lui io ia, a ma kekahi ano epa i kaa aku ai ia malalo o kau maiama ana. a mamuli o ka loaa pu ana iaia nei o ka moolelo e pili ana i kela ke'a pela iho la i hiki loa ai iaia ke hoopunipuni mai ia kakou. "Aole no au e kala i hoohuoi ai i ke ano hoomalimali o k'ia ikaikamahine ia oe e ka Ela, a akahi no hoi au a maopopo loa ae la i keia kakahiaka, eia ka ua oo maoli ka manao ino iloko ona, e kaiehu aku i ka ? u mau keiki ponoi mai na a-me na.pomaikai i manaoia no laua. He okoa ka'u mea i hoohuoi ai nona, o ia no kona hoao ana mai e mare aku oe me ia, a ina aole au i lohe ae nei i ke kii ana mai o ka Haku Eneki e noi iaia i wahine nana i keia la, ina ua mau 110 ko'u manao no kona lilo aku i wahine nau e ka Ela i kekahi la." "Aole au i ike i kekalii wahine opulepule e like la me oe e Katarina," i pane mai ai ka Ela me ka leo uahoa, mamuli o kona pilia hoeinaukiuki. "E noii pono aku ana au i keia mea a hiki i kuu maopoj)o pono ana oia nei io ke kaikamahine a kuu Lui, me ka nana ,ole ina palia ua mare a mare ole aku oia me ko ia nei makuahine. Mai keia manawa aku, ke lawe mai nei au iaia malalo o ka'u mau lipopakele ana, a no ka inea ua kaili aku oia i kuu puuwai apau mamuli o kana mau hana maikai a ku i ke aloha oiaio i hana mai ai ia'u.'' Va hele loa o Katarina a o ka Lede Alebere hoi a ulupuni me ta piha loa i ka huhu me he mea la e lele mau ana oia iluna, alaila ua huli mai la imua o kona makuakane a hoomaka hou 'mai la e kamailio: "Pehea la oe e keia elemakule e puni wale aku nei i na olelo hoopunipuni a keia kaikamahine maalea? Aole loa ana mea i hooiaio mai nei imua o kakou, koe wa.le no kela ke'a ana o ka aihue ana paha mai kekahi poe mai, a lioomanao iho no hoi oe, aole oia i hoike mai nei i ka inoa o kela hoaloha o kona makuahine, a ma ia ano aole anei e hiki ia oe ke ike iho, ua hoopunipuni maoli mai no oia ia kakou? * <k Pehea oia i hoea mai ai i Enelani nei e noho hana aku ai malalo o kekahi i wahi e loaa mai ai kana ai, ina he inau hoaloha kona nana e malaina mai iaia, aole anei no ka makemake maoli e imi epa mai i walii e loaa aku ai iaia he mau pomaikai? Nolaila ke hooia hou aku nei no au imua o oukou, oia nei kekahi o na kaikamahine i like aku me ka aeahaukae. \ MOKUNA XXIX. i u Ma ka hanohano i loaa ia'u, ke kauoha aku nei au ia oe e ka. Lede Alebere, e akahele loa kou kamailio ana e ku-e ana i kuu w# hine hoopalau ma keia hojH? aku," wahi a Haku Eneki me ke ku jx>no ana aku imua o Katarina me ke kuhikuhi ana aku i kona manamanalima, ka mea nana i hoopepe aku i na manao uahoa o ua wahine nei. He kulana lede oiaio maoli ko ka Lede Alebere ma na an(> apau, aka no ka nui o kona ulupuni i ka huhu, ua hiki ole iaia ke kaohi mai i ka luai ana aku i na olelo e ku-e ana i kona kulana. Iloko ona. aole loa ona manaoio iki i ka moolelo a Tina e noke ana i ka hoike, a ma kekahi ano hoi, ina palia e pololei ana na mea apau e like me ka keia kaikamahine e hoike nei, alaila ehia ka hoi mea aloha o kana mau keiki ka nele i na pomaikai ana e kuko palaualelo ana. "Auliea oe e ka Lede Alebere, v wahi a Tina me ka huli papu ana aku imua o kona haku wahine. Aia >he mau kumu lehulehu e hiki ole ai ia'u ke hoike aku ia oukou i na inOa o ka ohana nana 5 malama maikai ia'u, aka hoi no ka «hiki ole hoi ia'u ke hooma nawanui ilio i na olelo hoinoino i hoopukaia mai no'u e oe, nolaila ua konoia mai au e hoike akn i ka oiaio e hoopauia ai kou pohihihi. "No na mea e pili ana i kela ke'a, ua hoike aku au i. na. mea oiaio wale no, a e like no hoi me ka'u i hoike mua aku nei ia oukou, o ka inoa o kuu makuahine, o ia no o Helena Bukania." "O Helena! Helena! o kela ka inoa haule ole i kuu keiki i kela manawa o kona kokoke loa ana e make," wahi a ka Ela me ka piha pilioihoi. Ua eueu ae la ko Tina mau lehelehe no ka mea ina io o Lui Karifoda kona makuakane, alaila he keu aku maoli ka nui o ke aloha o kela kānaka no kona makuaihine, pela oia i hoopuka ai i ka inoa o kana mea aloha i na hora i kokoke loa i kona hopena, Ia loaa hou ana ia Tina ka ikaika e hiki ai ke hoomau aku i kana lioike ana no na mea e pili ana i ka hoaloha o kona makuahine, ua i aku la oia. "O kela hoaloha o kuu makuahine nana i malama iaia i kona mau la hope, a nana hoi i malama a i ihoonaauao ia'u, o ia no ke Kamaliiwahine Luika, ka wahine mare a ka Moi Lioj)olo o Belegiuma, a o ke kumu o ko oukou ike ana ia'u ma Enelani nei, e like hoi me ia a ka Lede Alebere o ke kapa ana mai iiei ia'u i ka aeahaukae, mamuli no ia o ke ala ana mai o kekahi ku-ee mawaena o kana kaikamahine, ke Kamaliiwahine Maraea ame a'u, a hiki i kuu haalele okoa ana aku i ka lioine a'u i noho ai mai kuu mau la kamalii inai. "Xo kahi i loaa.mai ai ia'u ka ike ame ka makaukau hana lihilihi, penei no ia.' <1 ko'u manawa he umi makahiki, ua loohia iho la au i kekahi ma'i loihi, a 110 ka loaa ole he mea e hoohala ai i ko'u manawa, ua a'o mai la ka wahine malama ma'i ia'u i ka hana lihilihi ana, oiai o kana hana ike loa ia iloko o kona mau la opio. "Ua lilo kela i hana makeinake loa na'u, a mamuli o ko'u hoo lele pau ana i ko'u noonoo apau ma kela hana, ua loaa iho la ia'n ka makaukau me he mea la mailoko mai o kekahi kula hana lihilihi ko'u wahi o ka puka ana mai. Ia pau ana o ko'u ma'i, ua hoomau aku la no au i ka hana lihilihi ana, e hgle makaikai ana ma na lialekuai apau, me ka noke ana i ka nana i kolaila mau lihilihi. E

kuai ana hpi i na buke ana, a hiki i ko'u liana maoli ana iho i ka'u poe ana ponoi, a pela iho la i loaa ai ia'u ka ike ame ka makaukau ma keia liana," alaila hene iho la ka aka a ua kaikamahine nei, me ka liuli ana aku imua o kana aloha no kela loaa ana aku ona maloko o ka halekuai hana lihilihi o La Poka ma Brukela. "Heaha no lioi kou mea o ke kamailio ole ana mai ia'u i keia mea ame kou pili ana i ka ohana alii o l»elekiuma ma nehinei?" i ninau aku ai o Eneki uie ka lalau ana aku i ka lima o Tina. "No ka mea aole au i makemake e kaena wale aku, a e haanui aku no na mea e pili ana ia'u iho, a. no ka mea no hoi, aole o'u makemake e hapala waleia aku ke Kamaliiwahine Maraea mamuli o ka ikeifC ana ae. ua hanai puia aku au, he wahi kaikamahine ano ole me ia, ma keia kumu la ua hiki ole ia'u ke hoike aku ia oe, aka hoi, no ka ninini ana aku i ka wai iluna o ke ahi lapalapa, ua hiki oie ia u ke au'a hou mai i ka hu'e pau ana aku i na mea apau e pili ana i ko'u ola ana." Me he mea la ua hooi loaia aku ke aloha o Eneki no Tina i kela manawa mamuli o ka puapuai ana aku o na olelo uie he wai mapuna la mai.ka puuwai aku o kela kaikamahine i hoopiha waleia no me na mea maikai npau, a o ia ka ua Haku opio la o ka i ana mai: ''Ua lohe wale no anei oe, e mare aku ana ua Kamaliiwahine Maraea la?" "Ua ike mua au ia mea, mamua o kuu haalele ana aku ia Brukela. Ua poina anei oe i ka hoomanao ana, owau ka mea nana i .hana i ke ana o ka uhi mare o ua Kamaliiwahine la ia'u e noho hana ana maloko o ka halekuai o La Poka? He mea no hoi no'u e hauoli ai, oiai au e hana ana i wahi e loaa mai ai ko'u ola, ua hana pu aku au i kekahi mea e panai aku ai ma ko'n aoao no ka maikai i hanaia mai ia'u e kuu hoaloha o na la kamalii." Ke pa pono loa la kela mau oleio ma na pepeiao o ka Lede 'Alebere, aole e hiki i kekahi mea ke hoole ae i ka oiaio o na mea apau a Tina e kamailio aku nei ia lakou, aka no ua wahine la, me he mea la komo ka olelo ma kekahi pepeiao, puka ma kekahi, a o ka hoowahawaha, ka huhu ame ka inaina na mea e hoalii ana maluna ona, me he akua noho la, a hiki i kona hoopuka okoa ana ae: "Aole loa e hiki ia*u ke manaoio aku i hookahi huaolelo o keia mea a Tlna e kamailio nei." "Auhea oe e ka Lede Alebere," i pane mai ai o Eneki me ka hoao ana iho e huna i ka nui o kona hoowahawah'a no keia wahine. "I mea e hoopau ia ai kou kanalua no kuu Tina aloha, e haalele iho ana au ia, Enelani nei no ka holo ana aku e hui pu me ka ohana alii o Belekiuma. aole mamuli o ke kaualua iloko o'u no kuu Tina, aka i mea e hoauheeia ae ai na ao omamalu o na kanalua mai ia oe ae a mai ka Ela aku hoi." Ua pii ae lā na lehelehe o ka Lede Alebere iluna, aka ua ku ae la nae ka Ela iluna a hele aku Ia a noho iho la ma ka aoao o Tina, ialau aku la< i kekahi lima o ke kaikamahine, a huki mai la a hiki i ke kokoke ana o Tina e hiki ai iaia ke nana pono loa aku i na maka 0 ua kaikamahine nei. "E kuu kama," i hoomaka aku ai ua elemakule la e kamailio me ka haalulu o kona leo. "Ke manaoio nei au i na mea apau au i olelo mai nei imua o makou. Ke hoomanao la no anei oe i kuu maiiawa i olelo aku ai i ke kulike loa o kou helehelena me ko'u?" '•Ke hoomanao la au ia mau olelō apau, a me he mea la ke o mau nei ia iloko o ko'u mau pepeiao i na wa apau," wahi a Tina. "Auhea olua," i hoomau hou mai ai no ka Ela, me ka huli ana mai imua o kana liaikamahine ame Haku Eneki. "Ke 'hoomaopopo mai la anei olua i ka holo ana o ke koko o ka ohana Karifoda iloko ona? Ke hoomaopopo pu mai la anei olua i ke ano o kana nana ana? Mai kela manawa mai o kuu halawai mua loa ana me ia, mai ia manawa mai kuu ike ana aole oia he kama a he pulapula na ka mea e ae, aka he ewe oia i puka aku mailoko o ka ohana Karifgda." Xo ka Lede Alebere, ua, hoole aku la oia aole he kulike o keia kaikamahine me ka ohana Karifoda, aka no Eneki nae ua hooiaio aku oia i ka loaa mua loa ana o kela haili iaia i kela manawa i halawai mua loa ai ka ike a kona mau maka me Tina ma Brukela. ' • u Mai kela manawa mai o kuu hoomaopopo ana aia kekahi me* iloko o keia kaikamahine i pili loa i ko'u ohana, mai ia manawa anai ko'u hoohuoi a hiki i kuu ike maoli ana i ka oiaio i keia la— a ke manaoio nei au i na huaolelo apau i puka mai kona mau lehelehe mai, he mau inea oiaio loa ia e hiki ole ai ke hooleia. "Ua konoia mai au e manaoio aku o keia no ke kaikamahine ponoi a kuu keiki alo<ha, aka e huikala mai nae o& e Tina ia'u i na e lilo aku ana ka'u mau olelo i mea hoehaeha i kou manao," me ke kamailio oluolu loa. ana aku ia Tina, me ka pa'ipa'i pu ana iho hoi 1 kona lima, maluna o kona poohiwi a hoomau hou aku la i ke ka mailio ana. <l Ua hooliauoli loaia mai au mamuli o ka ike maka inaoli ana, me ka nana ole i ka nui o kuu ehaeha, mamuli o ka hoomaopopo ana, ua hana hewa aku kuu keiki, ka mea a'u i «haaheo ai nona, he hana liewa hoi a'u.i moeuhane mua ole ai, ua liapaM aku oia iaia iho me na kilie'ahe'a o ka hewa haahaa loa, a no ka mea ke manaoio loa nei au, aole oia i mare i kou makualiine. Aole loa oia e mare aku i kekahi wahine o ke kulana e like me kou makuahine, a ina ua mare io oi t i, aole loa e nele ana kona hoike ana ihai ia'u ia mea." Ua kulou ilio la o Tina ilalo me ka noke ana i ka uwe, aka aia no nae ka Ela ke noho la nla kona aoao, a hamohamo aku la kona lima ma ka lae o Tina no ka 'hoomalielie ana i kona mau manao kaumalia, a hoomau hou aku la. "E hoolohe hou mai e kuu a e hoike aku no auanei au i na mea e pili ana no keia makuakane ou, ka mea au i ike ole ai, ka mea hoi nana i iliookau mai i keia haawina kaumalia maluna oa i keia la. Ua makemake au i kuu keiki, no ka mea o ka'u wahi keikikane liookahi iho la no ia, e loaa. iaia na lioonaauao kiekie ana e lilo ai oia i kanaka kaulana e like me ka nee ana aku o ke au o ka manawa, aka iloko o ka nui o ko'u paakiki iaia e hoolohe mai i ko'u makemake, he mea ole iho Ia no nae ia i kona manao, oiai ua paa loa kona manao e lilo oia i kanaka kaulana ma ke kaliakii. "Ua koi mai la kela ia'u e hele ana oia no Italia e imi ai i ka makankau no ka hana ana i kuko nui ai, aka ua lioole aku au, a pela wale iho la no ko maua aumeume ana a h\\n i ka hoopaapaa okoa ana, a hiki i kuu kauoha maoli ana aku iaia e ku a hele mai kuu alo aku, me kuu makemake ole e ike hou iaia, aia wale no a manao oia e hoolohe mai i ko'u makemake. ! "Ua ike nae au i ka hewa o ua mau olelo nei a'u, no ka niea aole ia o na olelo kupono 'e kamailio aku ai i ka'u keiki. Ua ku ae oia a liaalele mai ia'u, a.owau hoi kekahi i paakiki loa i ko'u manao, aole i au'a hou aku iaia e noho mai. Iloko o kona lilo i mea nui ia'u, a i keiki piinahele hoi na ka ohana, he mea ole iho la no nae ia i ko'u manao, ua ku aku oia a hele inai ka makua *ku. "Mai kekahi mai o ko makou mau hoaloha o ka liuli hoi ana mai i lohe mai ai makou, no ka holomua o ua keiki nei a'u ma kana hana ike ; a koe aku nae ko'u ike ana, nohea mai la kana, dala e hiki ai ke malama iaia, oiai owau wale no ka mea nana oia e malaina akfi ana, a ua pau lioi ka loaa ana aku o ka'u mau dala iaia ma kela manawa o kona hoole ana mai i ko'u manao. "He elua makahiki ma ia hope mai, ua ma'i iho la ka Lede Karifoda, a oiai e kokoke loa aku ana oia ma ka'e o ka lua kupapau, ua noi mai la oia ia'u e kauoha aku i ke keiki a maua e hoi mai e ike hope iaia. Ive mau la no ko'u liuhu no na keiki nei a'u, me ka makemake ole e ike houM kona helehelena, a e ole wale no ko ke kauka noke pu ana.mai i ke koi ia'u e kauoha ia Lui e hoi mai, no ka mea aole he walii i koe o kona makuahine, pela au i ae aku ai i kana noi. "Me ka naau i piha me na haawina o ka luuluu, ua kakau i-ho la au i kekahi leka iaia, e koi aku ana iaia e huli hoi mai e ike hope

i kona mama, a me he mea la mai Folorena ae kela leka i hoounaia ae ai iaia ma Napela, a o kela ka leka nana i kono aku i kuu keiki e haalele aku i ko makuahine e Tina. "Ua hoea mai no oia i ka manawa pono loa e ike ai i kona makuahine a o ka liana hope a ua mama la ona mamua ae o kona hala ana aku ma kela ao. o ia no ka hoohui ana i na lima o ka makim me ke keiki, a hoopoina i na mea o ka wa i liala, a he oiaio ua lanakila ke aloha maluna oka inaina. Ma ke ka'e o koua moe make maua a elua me kuu keiki kahi i kiai ai iaia a hiki i kona make ana akn. "Ma kela huakai a Lui o ka hoi ana mai, ua loaa oia i ke anu, a loaa liou ilio hoi ma ka la hoolewa o kona makualilne, ua oi ioa mai Ia kona ma'i, a ma ia po iho no o ka. nalo ana aku o kona mania, ua waiho aku la oia iluna o kalii moe me kekahi ma'i L»-.a, a iloko 0 na pule eha niakou o ka aumeume ana mawaena o ka make ame ke ola, a hiki i ka hoomoe puia ana aku o kona kino lepo ma ka aoao o kona makuahine. "E noke mau ana no lioi oia i ke kahea i ka inoa o Helena, eia nae aole makou i ike i kekahi mea ma kela. inoa. a o ka makou wale no e hoomanao la mamuli mai paha o ka ikaika loa o ka fiva kumu o kona uluahewa ana." Ma keia wahi, ua hiki hou ole i ka Ela ke hoomau aku i kana kamailio ana, no ka mea ua wehe hamama houia mai ko.na mau kaumaha apau, a o keia no hoi ka manawa mua ?oa o kona kamailio ana no na mea e pili ana i koua ohana, a ke uuke la oia i ka uwe no ka nui o ka ehaeha. O Tina pu kekahi i loaa ia haawina like. a ke noke la no hoi oia i ka uwe no kona makuakane. aka ua loaa nae kekahi mea e hoolanaia mai ai kona manao mamuli o ka ike ana ma o kela niuolelo la a ka Ela o ka hoike ana aku, aole ka i haalele maoliia k<>na makuahine e kona makuakane. , Hoomaopopo pu iho la no hoi oia, o keia ka ke kuinu o ka liika ole ana i ua makuakane nei ona ke kakau aku i kona makuahitn\ a ina no paha no kona ola, ina no ua liuli hoi hou aku oia no Napela e ike ai i kana mau mea aloha, e ala ole mai ai kekaihi mau pilikiu mahina o kona ehana, eia nae he alahele okoa loa ka ka mea nana 1 hana na mea apau i lioomakaukau ai no kana keiki. "Ua hoehaelia maoliia no kuu puuwai," i hoomaka liou inai ai ka Ela e kamailio. "Ua poho wale ko'u mau manaolana. no k«t 'mea ua kau aku kuu mau maka e ike i ka oili ana mai o ka puh\pnla inailoko mai o kuu keiki, e mau aku ai la hoi ke o ana o ka inoa Karifoda ma ona la, eia ka e lilo ana ia mau upu ana i inanaolana joho. Ua .holo kino maoli aku no au no Folorena e kii ai i kona mau ukana apau, me kuu manao mua ole nae o Napela kekahi wahi ana o ka noho ana, e like me ka'u i lohe ai i keia la. "Eia no kela mau ukaua apau ona nialoko o kona keona kahi 5 waiho ai, a ua liiki ia oe e kana keiki ke liele aku e nana i na manawa apau au e makemake ai. He inau mahina loihi mahope iho o kona make ana aku, a mahope lioi o kuu hoihoi ana niai i kela mau ukana ona, akalii no au a hele aku e hoonohonoho pono ia lakou ma na walii kupono. "Aia no kana man kii apau o ke pena ana. a he hookahi nne kii aole i pau pono i ka lianaia, me he mea la nae he kii ia no kekahi mea ana i makeinake loa ai e pau koke. T'a nokeia e a'u kana man pepa ame na palapala apau ana i ka liuliia aole loa i loaa ia'u kekalii mea a'u e hoohuoi ai no kona maie ana aku i ka wahiue, a pela hoi me kekahi mea e pili ana i kana keiki nku, aka ine keia mau mea apau, ke inanaoio loa nei au ua liana liewa loa aku kim keiki i kou jnakuahine." Akahi no apau loa ka manaolana iloko o Tina no ka hiki ana iaia ke koi aku i kona kuleana i ka inoa o koua makuakane mamuli 0 keia mau olelo hoj>e a ka Ela. a hehee houua wale iho la no oia liluna o kona noho, eia nae ua hooikaika ae la no oia e nolio hou iluna me ka ike ole mai o kona mau hoa, a ia wa i pa'e hou mai ai ka leo o ka. Ela i ka pane ana mai: "Auhea oe e kuu l&malei, ke hoomanao la no anei oe ia'u i ko olelo ana niai iloko a kekahi mau pule ae nei i hala, no ka liiki aua ia oe ke alo>ha aku i kou kupunakane'ina eia ke ola nei?" wahi a ka Ela me ka leo oluolu loa. Ua aea ae la o Tina iluna me ka hele o kona mau maka a piha 1 ka waimaka, ivhoao aku la e minoaka ma ke ano e hooia aku ana i ka pololei o na mea a ka Ela e ninau aku nei iaia, aka ua kaa e mai la nae i ka Lede Alebere ka pane ana mai: "E kuu haku." i ku ino mai ai oia iluna a heīe mai la a kao aku la i kona lima maluna o ka poohiwi o kona makuakane a i aku Ia: ! MOKUNA XXX. * < "Ua opulepuleia anei oe e kuu makuakane i hoopuka mai ai oe i kena mau olelo i kupono wale no na ka'u mau keiki ponoi e lioolohe aku?" Ua pale ae la ka Ela i ka liina o ka Lede Alebere me ka ikaika mai kona poohiwi ae, a liuli aku la me na maka hu.hu a i aku la: /Mai nolio oe a hoonluhua mai ia'u e Katarina, eia a.u ke kali aku nei i ka Tina pane no ka'u ninau iaia." He keu aku ka oluolu o kela man huaolelo o ka pa ana aku i na pepeiao o ka kakou Tina, alaila i mai la ua kaikamahine nei ine ka leo malie. "Ke manao nei au aole ia he ninau hoopaapaa no ka mea ua aloha aku au ia oe, mamua ae o kuu hoomaopōpo ana, he pili kekalii ou ia'u." Ua noke iho la ka Ela i ka pa'ipa'i ma ke poo o Tina. me lie wahi kaikamahine uuku loa la keia, ka inea hoi nana i lioopiha aku i kona helehelena me ka uluinahiehie, a o ia kana o ka i ana mai: "Akahi no a malia kuu uhane i ka lohe ana aku la i kau pane e Tina. O ka'u keia e li'a mau nei iloko ona makahiki loihi, e lolie aku i na olelo oluolu, akahi no nae a ko ia iini o'u, ua ae mai la oe e aloha mai ia'u i ka elemakule i mako-naia e.ko'u ohana," me kela mau olelo, ua huli aku la oia imua o Kata.rina a i aku la* "Ina he mea kekahi au i makemake ai e kamailio mai ia'u e kuu kaikamahine, o kou wa keia e hoike mai ai, ua kaawale ae la au mai ia. Tina mai!" Pehea la ka mea kakau e hoakaka aku ai i ko Katarina ano i kela manawa, a ua like maoli ka lele o kona mau maka me he wahine la no ka hale pupule, no ka mea ua koiuo aku ka ho]>ohop(> i'loko ona no kana mau keiki, a o ia kana o ka hooho ana ae: "Healia la kou ano e kuu makua o kou haawi ana aku i na olelo lioolana i keia kaikamahine komohewa? Manao anei oe eae alui ana au e hookipa mai iaia maloko o kuu home? Manao anei oe e ae aku ana au e liapalaia ka inoa o ka ohana Karifoda ma o ka ae ana aku i ka liokai wale ana mai a keia alauka? "Aole loa o Lui i mare aku i ka wa.hine, a ma ia ano aole a.i mau moopuna e ae, koe wale no ka'u mau keiki ponoi. Ina no I-aha ua mare aku o Lui i kekahi wahine o ke kulana liaahaa a tiole nae ia palapala e hooia mai ana i ka moolelo a keia kaikamalune i hoike mai nei, aole loa ona kuleana e kahea ai i ka inoa i kupono wale no no kekahi oliana kiekie a hanohano. "Ina ua hana hewa aku o Lui ma oka launa ana me ko ia. nei makuahine, aole o kakou kuleana ia mea, a maluna iho no o kana makua " k " Ika hilahila ] ' hanaia e kona mau "He keu maoli ka nui o kou kuhihewa e Katarina " i pa n -u mai ai ka Ela me ka noho pono ana mai iiuna a haka mai Ia kona mau maka maluna o kana kaikamahine me ka huhn Aole i Pau.