Ka Nupepa Kuokoa, Volume XLVI, Number 32, 6 August 1909 — HOOLE KA AHA KIEKIE I KA HOOKUU ANA IA KAUKA ATCHERLEY. [ARTICLE]

HOOLE KA AHA KIEKIE I KA HOOKUU ANA IA KAUKA ATCHERLEY.

Ma ka Poāono aku nei o ka p\ile i hala i hoopuka mai ai ka Aha Kiekie i ka lakou olelo hooholo e hoole mai ana i ka loaa ana aku he kuleana ia lakou e noonoo ai maluna o ke noi a ka loio o Mr. Atcberley no ka hookuu ana aku iaia e hele e lapaau i kana poe ma'i. Ua hoike ae ka Aha Kiekie, he hookahi wale no ninau a lakou e noonoo mai ana, o ia no ke kupono a kupono ole paha o ke kanawai i hooholoia iho nei e ka Ahaolelo. Ua nofe§ aku ka loio o Atcherley i ka hooikaika i ka aha e aeia mai kona haku e hoi e lapaau i kana poe ma'i, ak'a nae ua hoole loa mal ka aha me ka hoike pu mai iaia aole loa he kuleana o ka aha ma ia ninau, wale no ka hoolohe ana aku i na kumu i waiho loaia aku imua o ia aha, ina paha ua kupono a kupono ole paha ke kanawai pupule hou a ka ahaoleld- o ka hooholo ana iho nei. Ua aeia mai nae ke noi a kona loio no ka hoolohe koke ana i kela ninau, eia nae ka mea apiki, ua hala aku oia no Kauai, a hoopanee loa ia aku la ka hihia o Atcherlev a keia pule ae.