Ka Nupepa Kuokoa, Volume XLVI, Number 32, 6 August 1909 — LELE ILOKO O KE KAI A MAKE LOA. [ARTICLE]

LELE ILOKO O KE KAI A MAKE LOA.

Ma ke ku ana mai a ka Mokuahi Lawekoa Logan ma ke kakahiaka o ka Poalua nei i hoikeia ae ai ka lele ana o kekahi koa Marina iloko o ke kai ma ka la 23 o ka mahina aku nei i hala a make loa. Aole he poe i maopopo i ke kuinu 0 ka lele ana o kela koa iloko o ke kai aka nae iloko o kekahi manawa aku mamua o kona lele ana aku la ilokō o Kona iua kupapau, ua hoao no oia e lawe i kona ola iho, eia nae aole 1 holopono, a mamuli o kona hakihaki ana i kekahi o na rula o ka oihana koa, ua hoopaaia oia me ka loaa ole iaia o na pono i loaa i kona mau hoa koa. Oiai nae na mea apau e akoakoa ana iluna o ka one-ki o ka moku ma ke awakea o kela la, ua pii mai la kela koa mailalo ae o ka moku, a lele aku ia iloko o ke kai me ka hooka'ulua ole' iho. Ua kiolaia na mea hoolana, ua hoopaa kokeia ka holo o ka mokuahi, a ua* hookuu maoli ia ho hoi ka waapa no ka huli ana iaia, eia nae aole he loaa iki o kona kino, a uo hookahi hora a oi ka huli ana o ka moku, a no ka loaa ole, ua hoom'au mai la ka Logan i kana hnakai no keia awa. Ua manao waleia ma kela manawa o kona lele ana iloko o ke kai, ua hooku'i paha kona poo i ka moku, no ka mea mai kona manawa i piholo ai iloko o ke kai a hiki wale i ka haalele ana aku o ka moku, aole loa i aea hou ae kona kino iluna o ka ilikai.