Ka Nupepa Kuokoa, Volume XLVI, Number 32, 6 August 1909 — HOIKE KULA SABATI MA KAWAIHAPAI. [ARTICLE]

HOIKE KULA SABATI MA KAWAIHAPAI.

Ma ke ahiahi Poaono, lulai 31, o ke kaaahi o ia ahiahi ua kau aku la ko makou poe no Kawaihapai o ia hoi ka Papa Himeni o Kalauao anie Halawa i huiia. I ko'makou ku ana ika hale hoolulu, ua ku mai la na Komite hookipa he mau lede opio, a lūlulima iho la me na kamaaina a hoonee loa aku la na kapuai wawae no kahi i'hookaawaleia no na malihini e noho ai, a noho iho la makou ma kahi o Mr. Kaiona. Ma keia wahi i hoomaha iho ai makou np ka manawa a i ke kokoke ana mai i ka hora 6:30 ua kii mai la na Komite Hookipa e hele e hoopiha ia Keoni Bulu, a i ka hoea ana aku i ka papaaina ua hele a ohuohu i na ono huikau e waiho ana i ke alo. Mamua iho keia o ke alo o ka lanai o ka hale halawai Moremona a he mohala maikai ke nana aku i kai, a ma ka aoao makai mai o ke alahao e ku ana na halekoa i uhiia me na pe'a, a he mau ana aina no keia o ka noho ana o keia poe koa ilaila. Ma keia wahi i hui ae ai na Kula a i hookahi ma ka hana ana i ka makemake o ka Haku. A i ka pau ana o keia, ua hoomaka na hana Ahamele e wehe a me na lauoliva no i komo ai e ike i ka nani o Halealii. O ke Kula o Kawaihapai ka mea nana i wehe ke kahua o ka Ahamele, pii aku o Makua, he u'i no keia papa, a o Waialua aku he nani no keia, a o Halawa aku ka mea iaia o Kaililauokekoa e uhene e uhene e. Ma ka hoomaopopo aku a ka meakakau he piha hauoli na helehelena maluna o keia poe ke pii la na papa himeni a hiki i ka pii ana iluna e ku ai a ma ka hoololiloli i na ano o kekahi papa me na makaainana, a ke hoolohe aku oe he kohu nene ahiu 0 ka moana. A i ka pau ana o ka Ahamele ua hele aku la kekahi poe e holoholo i ka nani o ka mahina, O ke kulana o keia Hale Halawai i kai ke alo, a e ulu ia ana e ke paina oloko aole nae i nui loa ke paina. Ma ke kakahiaka Lapule iho ua ala ae la na malihini a hele aku la ma na aekai a e nana ana i ka pa kilihune a ka ua liilii, a ke hoomakaukau mai la na kuene i na meaai, no ke apo ana aku i na malihini e kipa nialoko e ai 1 ka lokomaikai, a i ka pau ana lohe aku la kou kiu e noke ana na Kula Sabati o Makua, Kawaihapai, Waialua i ka himeni iloko o ka hale a mawaho kekahi i na haawina Kula Sabati. A o ke Kula o Halawa ame Kalauao i huiia i nana maikai waleia aku no, aole he mau noke hou ana iho. I Ewa no pau na mea apau i ka lu, o ke kaua wale no ko mua e hele ai. Ma ka hoike i malamaia ma keia kakahiaka Lapule, he 7 ka nui o na pokii o Kawaihapai na lakou i wehe na hana mua o ka la. He maikai na ninau ame na himeni, pii mai o Makua he 11 ka nui he u'i okoa no hoi kona, ku mai o Waialua he 20 a oi ko lakou nui, he mdilcai ua hele. no hoi a walea ma ia hana. A i ka wa'i pii mai ai o Halawa i huiia ame Kalauao o ia ka wa i oni like ae ai na malihiiii ame na kamaaina no ke ake e ike j»ono i ka nani 0 Ka I'ahamauleo o Ewa, a i ka hoomaopopo aku o' na malihini ame na kamaiaina he Kohu Anela mai ka lani mai, aohe he mau leo walaau o ka meha pu wale no, a ke hoolohe aku i na leo himeni he kohu nalu e ha'i mai ana. 0 ka'u keiki punahele keia i hauoli nui ai. Mahope iho o ka pau ana o na himeni ua haawi mai la ka Lunahoomalu 1 na mahalo ana i ka Papa Kula Sabati o ka I'ahamauleo o Ewa ame na pokii o Kawaihapai ame na Kula no opau i komo iloko o ia hana. Ka nui o na dala i loaa mai ka Ahamele ame ka Lulu h e $59.00. Ke haawi aku nei ka meakakau ame na Kula Sabati o Ewa nei i na hoomaikai i ka onn nona na hale a makou i noho ai .ame na kuene e ahonui ana i ka aloalo iloko o ka papaaina me na meaai ono loa ame n a Komite hookipa ko'u poina ole ia lakou ma ka eleu i na hookipa ana i nu malihini. Ua pii aku la ko makou hoa Kula Sabati o ia o Mrs. Yictoria Keola ame kona mau hoahele e makaikai i ka Waikumuole ka wai kaulana o -Kawaihapai he u'i hoi kau. Mahope iho o ka pau ana o na mea apau no ka hoi i ko lakou home, ua hoomaka mai la e kuai i na laulau puaa i ka 10 laulau i ka $1.00. Kokoke no e like me ko Hilo ka pii o na mea ai. He mamao kahi halekuai mai keia liale halawai akft no ka Pake. Ka nui o na malihiui he 175. KAULUWEHIWEHI O AIEA'.