Ka Nupepa Kuokoa, Volume XLVI, Number 32, 6 August 1909 — HOOKU'I KA MOKU UKANA ME KA MOKULUU. [ARTICLE]

HOOKU'I KA MOKU UKANA ME KA MOKULUU.

CROMER, England, lulai 12.—0 ka mokuluu Pelekane i ikeia ke C 11 ua piholo i ka po nei mamuli o ka hooku'i ana me ka mokuahi hali ukana ka Eddystone mawaho aku o ka lae he eha mile ame hapa ma ke komohana akau aku o ka hale ipukukui i kapaia ka Uaisborough. He umi-kumamakolu ka nui o kona m'au kanaka i iho pu aku me ia i ka hohonu. He ekolu wale no poe luina o' kela moku i pakele mai. O ka Lukanela Brokie, Wallins ame hookahi luina ka i pakele mai. E holo mai ana ka mokukaua Bonaventure me ewalu mau mokuluu me ia no ka hema i ka wa a ka mokuahi hali ukana Eddystone e holo aku ana no ka akau a hooku'i ai me ka mokuluu C 11. Ua opapuia ka mokuluu a piholo koke no i ka hohonu i kela manawa. O na mokuluu C 16 ame ka C 17, i) ko Jaua manawa e hooikaika ana e hoalo ae ia laua o hooku'i me ka mokuahi, ua huikau ae la laua a hooku'i aku kekahi i kekahi aohe nae he oīa hookahi i poino maluna o laua. Ua hoounaia ka lono i na mokukaua 0 ka prfpa-ekahi ame kekahi mau mokukaua o ka papa-elua e holo mai ma kahi o ka poino me ka lawe pu mai i na lako hana e hiki ai ke hoolana hou 1 ka mokuluu poino C 11, oiai oia e waiho ana ma kahi he umi-kumamar lima anana ka hohonu. Ua hooihoia he mau uwea nunui malalo ae o mokuluu a ke manaolana ia aku nei e hukiia ae ana oia iluna, ma keia mua koke iho me ka palekana.