Ka Nupepa Kuokoa, Volume XLVI, Number 32, 6 August 1909 — KAA NA KULA MALALO O NA LUNAKIAI. [ARTICLE]

KAA NA KULA MALALO O NA LUNAKIAI.

Kē hooponopono mai nei ka Luna Nui o ka oiliana hoonaauao Babbitt i na hana e P>H ana i na kula a waiho ae iloko o ka lima o na Lunakiai i hooholoia ai e ka Ahaolelo i hala e hoololiia ae ia oihana m-lalo o na Kalana, me ka hookoeia o ke Kula Nui o Lahainaluna ame ke Kula A'o kumu, a o na kula aupuni e ae apuni ke Teritore e kaa aku malalo o ka liooponopono ame ka hoolako a malama ana a ua papa Lunakiai o kela ame keia Kalana. Maloko o ke Kanawai 100 i hooholo ia ai e ka Ahaolelo i hala, ua hoakaka ia malaila, "na kela ame keia Kalana paleahi e malama a e hooponopono a e liana hou i na halekula mawaho ae o ke Kula o Lahainalun.a. ,, Ma ke Kanawai 101 hoi e hoakaka ana malaila i na hana ame na mana o ka Papa Lunakiai o ke Kulanakauhale ame Kalana o Honolulu a penei lea hoakaka ma ia kanawai: "O ka hana a ka Papa o ia no ka hoolako ame ka hana hou ana i na halekula apau e ku ana mawaho ae o ke Kula A'o Kumu ame na kula a'o hanalima o na keikikane ame na kaikamahine." O keia mau kula ae la apau ua komo malalo o ka mana ame na hooponopono ana a ka Papa Lunakiai ma ka hoomaka ana o ke au hooponopono hou o na makahiki elua. Malalo o keia mau kanawai, ua kaa malalo o na Lunakiai ka mana o na kula apau a koe na kumukula ame ke ano o ke a'o ana, a i ka nana aku ma ke kanawai me he mea la ua loaa pu i ka Papa Lunakiai ka mana e hoololi a> i ke kahua o na halekula. I keia inanawa ke haawi nei ka Luna Nui o ka oihana Hoonaauao i na kokua ana apau i kupono no ka hooholomua ana aku i na hana a ka Papa mamuli o ka hookau houia ana aku o keia hana hou maluna o lakou, a e manao ia e holopono ana no keia oihana ma keia mua aku ke kamaaina lea aku na Papa Lunakiai lehulehu i ka lawelawe ana ia oihana. Ua lehulehu na ninau i waihoia aku imua o ka Luna Nui o ka oihana hoonaauao a ua wehewehe mai oia e like me ka makaukau i loaa iaia.