Ka Nupepa Kuokoa, Volume XLVI, Number 32, 6 August 1909 — POHO MA'UWALE KA LUHI O KA HOAHU ANA. [ARTICLE]

POHO MA'UWALE KA LUHI O KA HOAHU ANA.

Ua ili aku kekahi haawina kaumaha ame ka minamina maluna o Mr. K. P. Pookela mamuli o ka nalowale ana o kekahi huina dala ana o ka hoahu ana < no kekahi manawa loihi i hiki aku ka huina i ke kanaha-kumamakahi dala me ka hapalua. Ua pii mai kana wahine o Henrieta Pookela mai Waipahu, Ewa mai no Honolulu nei ma ke kaaahi o ka Poalua, ka la 20 o ka mahina aku nei o lulai, a ma ka Poakolu ae āia no kela mau dala. apau iaia kahi i paa ai maloko o ke eke dala, a iaia ma ka hale hoolulu kaaahii no ka hoomakaukau ana e huli hoi aku no Ewa, ua wehe ae oia he hapalua mailoko ae o kana eke, a haawi aku la i kana wahi kaikamahine no ka hele ana aku e kuai i berena. Mamuli o kona pupuahulu a me ka nui o na hoolalau ana i kana mau ukana, ua poina loa iho la oia i kana. eke dala, a eia kona ike ana i ka nalowale ana a i kona wa i kau aku ai iluna o ke kaaahi, ua ike iho la oia aole kana eke me ia, a i hoi hou aku ka hana e huli ma kona wahi o ka noho hope 'ana, ma kahi puka uuku e komo aku ai iloko o kahi o ke kaahi, aole ua eke dala nei ana. Ua noke oia i ka huli aole he loaa iki, a ua komo pu mai ka haole o ka hale hoolulu e kokua ma ka huli ana, 0 ia nele hookahi no. Ua huliia he elua mau mea, he hapa haole a he Kepani, me ka manaoia ia laua paha i lilo ai, oiai o laua na mea 1 maalo ae ma kela wahi, eia nae aole no he loaa aku o ua eke dala la. Ua nui maoli ka minamina o na mea na laua kela mau dala a wahi a Pookela, he mau dala kela i hoiliili liiliiia e laua, a mai ka manawa mai i ili ai ka Mokuahi Mongolia ma Waimanalo ae nei ame ka moku lawe koa Sheridan kekahi mau dala o ka loaa aua mai, eia nae o keia iho la ka haaa~-aā» [ e nalowale. ma'uwale aku.ai kela man i dala e pomaikai ai ka palaualelo.