Ka Nupepa Kuokoa, Volume XLVI, Number 32, 6 August 1909 — PAA HOU NO UA MEA KUAI WAIONA. [ARTICLE]

PAA HOU NO UA MEA KUAI WAIONA.

Mamuli o ka hoahuoi o Lunanana Fennell aia ka waiona ke kuaiia nei imaloko o kekahi hale hokele mawaena 0 na alanui Hokele ame Pauahi, nolaila ua hoomakakiu oia a hiki i ka paa ana o ka ona nona kela hokele i ka hopuia no ke kuai waiona me ka laikini ole, a noho ana ke kolohe i ke puhi. He kiu ka mea o ka hoouna muaia ana aku no ke kuai rama ana, a mahope aku oia o ke komo ana aku a loaa pono aku 'he poe Kepani e noke ana i ka inu sake. Wahi ana eia na Kepani ke makaala loa mai nei i ke ano o ke kuai ana aku 1 ka rama, aole ma na omole, aka ma na kikila ti, eia nae aole no ia he mea no lakou e pakele ae ai.