Ka Nupepa Kuokoa, Volume XLVI, Number 32, 6 August 1909 — E HOLO MAI ANA MALUNA O KA WAAPA MOKUAHI [ARTICLE]

E HOLO MAI ANA MALUNA O KA WAAPA MOKUAHI

E lilo ana paha i mea hookahaha aku i ka noonoo o ko ke ao nei ina e holopono ana ka manao o kekahi haole nona ka inoa o W. L. Lindsley i hoike ae ai no kona manao ana e holo mai no Hawaii nei maluna o kona waapa mokuahi mai Seattle mai ma keia mua koke iho. Ma kahi hoikeike ma Seattle i hoike okoa ae ai oia i kona manao e holo makaikai mai no Honolulu nei, ma o kona pane ana i ka ninau i kauia maluna o kekahi buke nui maloko o ka hale o na mea hoikeike mai Hawaii nei aku. Ua kakau oia i kona inoa o William L. indsley, a he lawe leka kana hana, a malalo pono iho o ka ninau i kauia '"I ka wa hea oe i maaao ai e holo makaikai i Honoluluf" ua pane iho la oia e liolo mai ana oia "Mai Seattle a hiki i Honolulu maluna o ka waapa mokuahi i ka 1910 a i ole 1911."

Imua o kekahi o ko Honolulu nei mau kamaaina- e ku kokoke ana ma kela wahi o kela haole, i hoike maoli aku ai oia i kona manao ana e au mai i ke kai loa 0 iwakalua-kumamaha haneri mile maluna o kona waapa mokuahi o kanakolu-kumamaha ka'puai ka loa, me kekahi mau lako holomoku ole nana e kokua mai iaia, aka o ke panana wale no. O keia kekahi haole kahiko loa ma ka noho hana ana me ke aupuni o Amerika ma ke ano lawe leka, a aia kona mau makahiki ma kahi o ke ka-naha-kumamalima ame ke kanalima. Wahi ana aole oia he u'a a he holona ma ka holo ana i ka moana maluna o ka waapa mokuahi, oiai i ke kau wela aku nei i hala, ua holo oia maluna o ka waapa mokuahi mai Seattle aku a hiki i Valdez, Alaska, he mamao hoi o aneane e piha ka elua

kaukani mile, eia nae ua hiki oia ilaila me ka holopono, me kekahi mea ole nana e kokua aku iaia. aka me ke panana wale no. No 'ka holo ana mai ma ka huakai ana e hoolala mai la no Hawaii nei, ua paa loa kona manao e hiki ana iaia ke holo mai me ka holopono, oiai nae ua hoole ae kekahi poe kapena holo moku, aole e hiki iaia ke hoaano mai i keia kai loa no ka hoea mai i Paredaiso o ka Pakipika. Eia oia ke hoolala e mai nei no i ke kapili ana i kona waapa, a iloko o na makahiki elua mai keia manawa aku i manaoia ai e hookoia ana kela manao paa iloko ona. I ka manawa i ninauia aku ai, heaha la kana mea,e hana ai v.ka wa e lioea ole ai oia i na mokupuni o Hawaii, ua hoike ae oia, e imH & na n o oia a hiki i ka loaa ana, ina no kona ku pololei ole mai i Honoluln nei, aka e hoea mai ana no oia ma kekalii wahi o keia Teritore.