Ka Nupepa Kuokoa, Volume XLVI, Number 33, 13 August 1909 — KIPAKUIA KE KIURE ONA RAMA. [ARTICLE]

KIPAKUIA KE KIURE ONA RAMA.

Maloko o ka aha hookolokolo a Lunakanawai De Bolt ma ke kakahiaka o ka Poalua nei i kipakuia aku ai kekahi kiure nona ka inoa o Yariek mai kona noho aku mamuli o kona ona, a kauohaia aku-vf)ia e hookaawale koke mai ka aha aku, me ka makemake ole o ka lunakanawai e ike hou i kona mau maka. Mai loaa aku paha kekahi lioopa'i i keia haole kiure ona, ina aole i lioea ro.ua aku kona makuahine imua o ka lunakanawai a nonoi aku i kona oluolu e hookuu aku i kana keiki mai ke .kiure maiuuli o ka pela i a'o waliāia aku ai no kiure me na olelo ikaika me ke kipakuia aku mailoko aku o ke keena hookolokolo. I ka manawa i noho ai ka aha ma kela kakahiaka, ua hoea aku la kela haole kiure me ka ona, .a no ka manao o ka lunākanawai e hiki ana no paha iaia ke hoolohe mai i na mea e hoileeia ana e na hoike, nolaila aole oia i kipaku kokeia mai kona noho ana ma ke ano kiure, aka aole nae i loihi iho ka hoike ana a ka hoike i kana ike ma na mea e pili'ana i ka hihia o na Kepani e hookolokoloia mai nei, ua pauhia aku la oia i ka hiamoe, a ia manawa i kuhikuhi mai ai o De Bolt i ke kanawai e pili ana i na kiure, a ma o ka lokahi ana o na loio o na aoao .a elua, ua aeia aku ka hookuu ana i lea haole ona. I ke kamailio ana aku o Lunakanaw;ai De Bolt imua o ke kiure ona ua olelo aku la oia ika i ana aku: "E Mr. Yarick, ua hookuuia oe mai kou noho kiure ana, a e hele koke oe mai kou wahi mai a e hookaawale loa aku mailoko aku o ke keena hookolokolo nei." Aole oia i hoohakalia iho i ka haalele ana iho i kona noho, aka mamuli nae o ka ona, ua hikaka aku la oia m'e ke kau pu ana,i kona papale, a ia wa i kauoha hou mai ai ka lunakanawai iaia e wehe koke i ka papale o hoopa'iia aku auanei oia i ka hoowahawaha i ka aha. Oiai he umi-kumamakahi wale no kiure i koe iho aole i hoohakalia ia ka hoolohe ana i ka hihia imua o ka aha, aka ua hanaia nae mamuli o ka aelike ana o na aoao a elua.