Ka Nupepa Kuokoa, Volume XLVI, Number 34, 20 August 1909 — KA NUPEPA WAIALEALE O KAUAI. [ARTICLE]

KA NUPEPA WAIALEALE O KAUAI.

Malihini wale ke kipa ana mai o ia nupepa liou o ka oili ana mai nei mai ka Mokupuni Kaili La mai ma ka inoa o kolaila kuahiwi kaulana "Waialeale," a ua apoia aku e ke Kuokoa me ka mahamaha a hauoli no hoi no ka ike ana aku ia Kauai o Manokalanipo e oni kapalili mai ana iluna i ka welelau makani, e hoolawaia aku ai na kini heluhelu me na meahou ame na manao waiwai o ka moku i ke kaohi ana o ke kukuna o ka la. He wahi nupepa palanaiki no kela o kona wahi kino, eia nae hoi no ka iki nioi ka oleloia i ke kiki o ka wai o ka maka i kau a mea, o ka we!bwela, a pela auanei paha ua wahi nu« pepa la ma keia mua aku maluna o kekahi mau ninau ano nui o ka manawa. 0 na hana o ka Papa o na Lunakiai ka ukana" nui a ua nupepa la o ka hii īWa ana mai nei, a no ka palanaikl no hoi paha o kahi kino, loaa nui ole kekahi mau meahou, na moolelo ame kekahi mau manao waiwai e ae. Ma kona manao pepa nae, e kahoa» hoa ana ia Manokalanipo, auwe! aohe no kau he ohi mai a koe aku, o ka pahu okoa aku no i ka mino olu, o ka hao no a lilo, hiu a wela e koe ole aku ai ma kuono kau wahi hipuu, o ka heluia mai ka hoi ia o na wahi, pana apan o ka aina, aole no hoi e nele ke alehaia o ke kama hou, he ewe ka hoi i oili pulelo ae la na ka oiwi! I nui ke aho, i mau ke o ana o kela kuahiwi kaulana. Mailoko ae o ke keena pa'i o ika nupepa ke Garden Island i oili ae ai leeia nupepa hou no na kanaka Hawaii, a i noho Lunahooponoponoia hoi hoi e S. K. Kaeo, kekahi' o na kanaka makaukau ma ke kakau nupepa, a o ka mea hoi.e paa mai nei i na buke kanawai o ke Kalana o Kauai, a i ole īpa kekahi olelo ana ae, he kakaolelo a he kuhikuhipnuone no ka Papa Lunakiai o ke Kalana. Malnko o keia keena kona wahi i noho hana ai no kekahi manawa loihi, a mai kana makakila mai i ikeia ai kekahi mau moolelo makaikiu kaulana i ka wa e pailakaia ana ke'Kuokoa nei e na kapena okoa, a o kona kau ana aku la ma ke kianoa o ka nupepa Waialeale, aole e hiki ke hoohewahewaia aku ka oili mai o na mga maikai mailoko mai o kekahi ipu i piha me ka momona, e kahe mai ai ka waiu ame ka meli.