Ka Nupepa Kuokoa, Volume XLVI, Number 34, 20 August 1909 — HOOKUIIA HE KAMAIKI E KE KAA [ARTICLE]

HOOKUIIA HE KAMAIKI E KE KAA

Pehea la ka nui o ka pil&ia ame ka poino e loaa nei i ka lehulehu mai na kaa aku e holo nui nei, aole no he mai o ka holo nui ana o kekahi poe i •wahi mea a ikeia aku ke akakuu ana ko lakou mau kaa, a o ka hopena nae i ikeia ma ke ahiahi o ka Poalua nei, ia no ka hooku'iia ana o kekahi .-waHi kaikamahine Kepani uuku mawaho o ke alanui Leahi e ke kaa, a ma ia po iho no oia i make loa ai mamuli o na palapu i loaa iaia ma kela hooku'iia ana. Mamuli o ka piha loa o ka makua* hine o kela kamaiki i ke kaumaha ame :ke pihoihoi, aole e hiki pono iaia ke hoike ae ma kela po na ke kaa hea la i hooku'i mai i kana wahi kaikamahine. oiai he elua mau kaa i ka nmnawa hookahi i holo mai ma kahi leokoke i kela kamaiki. He wahine Kepani nona ka inoa o Tane ke hele ana ma ke alanui Leahi me kana mau kēiki liilii ekolu, a o ka lakou hana, o ia no ka ohi hua kiawe. He elua o kana mau keiki, na laua e hoihoi mai i ke kiawe ilok,} o ke eke, a he noho wale iho no ka leekahi ma ka'e o ke alanui. Oiai no nae lakou e nanea ana i ka ohi kiawe, ua loheia aku la ke kani mai o ka pu hoailona o kekahi kaa otomobile, a ijyhuli ana aku o ka ma"kuahine ma kahi ana o ka lohe ana aku i ke kani ana mai o ka hoailona ua ike aku la oia he elua mau kaa e liolo mai ana, he kaa hali ukana ma'mua a he otomobile mai mahope. Ua kahea aku la ka makuahine i leana kāmaiki * makaala lōa i ke kaa,

a hoomaka mai la ke keiki e holo no kahi o kona makuahine, aole nae i kokoke aku i ua makuahine nei ona, ua hooku'i e ia mai la oia e kekahi o kela mau kaa, a waiho ana i ke alanui. Ua kuupau loa mai la no. ke kaa otomobile i kona holo no ka huli o Honolulu nei, a no ke kaa lawe ukana nae, ua ku mai la ia kaa, he Pukiki ka mea nana e kalaiwa ana, a oia ame ka makuahine o ke kamaiki poino na mea na laua i hoihoi aku i ke keiki no ka hale hana waiu, kahi o kona ma* kuakane e noho hana ana. Ua kauolia koke ia mai he kauka Kepani ame Kauka avson no ka hele ana aku e nana i ka poino o ke kamaiki. Ua hoike puia mai no hoi ka lohe i ka oihana makai, a i ka hoea ana aku o ke kaa makai, me ka manaoia e hoihoi i ka mea poino no ka Halema'i Moiwahine, eia nae mamuli no o ka makemake o ka makuakane ua lawe loaia no ka Halema 'i Kepani, a ma ka hora umi o kela po, i make loa ai oia. ' hoao na kauka i 'ko lakou ike' ma lapaau ana iaia, eia nae hiki ole, 'oiai ua ikeia, ua naha kona poo ma kela hooku'iia ana e ke kaa Ua manao ka ohana o ke kamaiki poino, ua kau aku ke koikoi o ka poino ana o kela keiki maluna o ke kaa otomobile, oiai e holo mai ana oia me ka puahia nui me ka manao e kaa mamua o ke kaa lawe ukana, a mamua 0 ka hiki ana ke hoopaa iho i kona holo, ua hooku 'i mai la oia me kela keiki, a o ke kumu no hoi ia o kona kuu pau ana mai i ka holo ana me ka nana ole aku i ka poino i kau, aku maluna o kekahi mea. No ke kalaiwa nae o ke kaa lawe ukana, he Pukiki oia i mahalo nuiia e kona mau haku hana, a o kona ku ana a haawi aku i kekahi mau kokua ana 1 ka mea pilikia ame kona makuahine, ua manaoia, ua kaawale loa na ahewa ana mai iaia aku.