Ka Nupepa Kuokoa, Volume XLVI, Number 34, 20 August 1909 — LILO KA INOA MOHO IA SULLIVAN [ARTICLE]

LILO KA INOA MOHO IA SULLIVAN

No ka ekolu o na manawa i ulele ae ai na moho ku'iku'i puupuu Dick Sullivan ame Jaek Cordell maloko o ka Halekeaka Star ma ka po o ka Poaono i haia, akahi no a akaka ke kaa ana o ke eo i kekahi o laua mamuli o ka lanakila ana o Sullivan maluna o kona hoa mokomoko o ia po, a 0 ka mau iho la no ia o kona paa ana 1 ka inoa moho no ke Teritore Hawaii nei. He nui ka hialaaiia'O keia mau haole a elua, ma o ka ikeia ana o ka like o ko laua makaukau ma ke ku'iku'i puupuu, a iloko o na manawa elua a laua o ka hookuku mua ana, aole e hiki ke ikeia aku owai la o laua ka oi ae mamua o kekahi. Ua hele kela halekeaka a piha i ka poe puni lealea, me ka nana ole i ka nunui o na dala e uku ai no ke komo ana iloko, a v ma kela po, ua oleloia ae, he elua ka mau wahine i komo e makaikai i ka hakaka ana o kela mau haole, he mau wahine i komo i ka lole 0 na kane, a o ko laua kumu ia o ka hiki ana ke komo iloko me ka ike ole ia mai. He hakaka ku'iku'i puupuu keia mawaena o kela mau haole no na puni he iwakalua, oiai ma na manawa e ae a laua o ka ulele ana me na puni lielu wale no, aole Jie akaka o ka mea 01 o laua a hiki i ka pan ana o na puni i aelikeia, a pela i hooloihiia aku ai na puni, i hiki ai ke loihi ko laua manawa e hakaka ai a loaa ka lanakila i kekahi. Aole nae pela ka mea i ikeia ma kela po, aka he ewalu wale "no mau

puni i uleleia e laua, ua liiki hou ole ia Cordell ke aa hou mai e ku me ka moho o Hawaii nei, a' o ka pau no lioi ia o ka laua hakaka ana me ka piha o ka lehulehu i ke pihoihoi no na mea a lakou o ka ike ana ma kela po. I ke komo mua ana, ua ikeia ke kulana eleu maoli o Sullivan, aka he elua nae mau kalo i haawiia aku iaia e kona hoa maluna o kona kino, eia' nae aole no e hiki ke ikeia, owai la o laua ka oi ma ia ulele ana. Ma ka lua mai o na puni, ua loaa pono o Sullivan i kekahi puupuu mahanahana mai ka lima ak&u aku o Cordell ma ka opu, a hiki i ke kukuli ana o Sullivan ilalo. Ma ka puni ekolu, ua like a like na molio a elua, e ku'i aku ana e pale mai ana kekahi, a na kekahi mai hoi, 0 ka pale aku ka hana a kekahi, a pela wale 110 laua a hiki i ka pau ana o ia puni. Ma ka eha mai o na puiii, ua loaa pono aku o Cordell i kekahi puupuu akau maluna o kona poo, ka mea nana 1 hookikihi aku iaia noluna o ka papahele, a mai iaia rifki hoi, loaa pono ka papa auwae o Sullivan, a haule ana iluna o ka papahele. Ma ka elima o na komo ana, un pa'iapa'i na moho a elua. Ma ka eono o na puni, ua ikeia ka j hoike pau o ua mau moho la i ko | laua ike pelepele, e hoolei pau ana i j ka laua mau kiina punahele, eia nae, he o*- ia mau no ka «mahele lua ana o' na mahalo a ke anaina maluna o na j moho a elua. Ma ka ehiku o na komo ana, ua loaa pono o Cordell i kekahi puupuu mahanahana a Sullivan ma kona opu, a m.ii hina aku oia iluna o ka papahele, e ole ke kani e ana o ka bele, o ia ka mea nana i hoopakele ae iaia. Ma ka ewalu mai o ke komo anu, a o ke komo hope ana no hoi ia i kaa ai ke eo ia Sullivan. Ia laua i uiele ai ma kela puni, he elua manawa i kuu aku ai o Sullivan i kekahi o kana mai! kiina punahele loa, a he elua manawa i hina ai o Cordell ilalo, eia nae iloko o ia mau hina ana elua, ua ala hou mai no oia iluna no ka elua o ka manawa. I ke kolu no o ka manawa i onou houia aku ai ka puupuu a Sullivan i kona hoa, ua liina hou aku la oia ilalo no ke kolu o ka manawa, eia nae ua kii hoti mai la no oia iluna a ia manawa i haawi houia 'aku ai oia me ka eha o na puupuu a Sullivan, a pau ka liiki ana ia Cordell ke oni hou mai, a kaa ae la ke eo ma ka aoao o Diok Sullivan, ka moho o Hawaii nei.