Ka Nupepa Kuokoa, Volume XLVI, Number 34, 20 August 1909 — PAE KA HAPA O KE KINO O KAILIANU I KA AINA [ARTICLE]

PAE KA HAPA O KE KINO O KAILIANU I KA AINA

Ma kela pule aku nei i hala, i hoike aku ai ke Kuokoa nei i ka olelo e pili ana i ka nalowale ana o kekahi mau kanaka Hawaii o ka hele ana i ka lawai'a ma Puna, e' like me ia i olili ae ai ma kekahi o na nupepa haole o Hilo, a ma ka Poakolu nei i hoea mai ai kekahi leka i 'keia keena e hoike mai ana i ka loaa ana aku o ka hapa o ke kino o kekahi o ua mau kanaka la, a lilo aku kekahi ka moana. Wahi o ka meahou i kakauia mai e Nakahina Liilii, kekahi o na kelki a na kanaka o ka nalowale ana, ma k§. Poalima aku nei ka o ka pule i hala i keleponaia aku ai i na keiki a Nahina mai Puna mai, no ka pae ana

aku o ko lakou makuakane ma Kula, e pili la me Halekamahine. Aole i hoohakalia iho' kela mau keiki i ka hele ana aku e ike i ko lakou makuakane, me ko lakou manao o ua. makuakane io nei paha ia o lakou aka i ka hoea ana aku nae i kahi i waiho ai o ke kino o kela kanaka, ua nana iho la lakou a ike o ke-kino ia o Kailianu, He hookahi wale no hapa o ke kino i koe mai a o kekahi hapa aku, ua pau aku no i ka moana. Na keia mau keiki i wa-hi i ke kino hapa o ka mea i make me ka huluhulu, a na lakou no i kanu aku, me ka hooliiwahiwa ana i ka he ine na pua lei.