Ka Nupepa Kuokoa, Volume XLVI, Number 35, 27 August 1909 — HE HOALOHALOHA. [ARTICLE]

HE HOALOHALOHA.

"Aole o kakou home e mau loa ana maanei," oiai he wahi manawa ko kakou ma keia ao i hoonohoia mai ai, a hiki mai ka mea nana i olelo aku i ke kanaka mua loa. "He lepo no oe, a e hoi hou aku no oia i ka lepo," A ua hookoia kona makemake e like me keia mau lalani himeni malalo iho nei: "Aia kii mai o lesu e uku, I kana mau kauwa maanei. Ina i ka weheana ae o ke alaula, Ina i ke ao i na ke aumoe, Ana e hea pakahi mai, E hoihoi aku i na talena Pane anei kela maikai." Ae, ua oluolu i ka Makua Lani ka lawe ana aku i ka uhane o Mrs. Kailihiwa Olohana Davis mai kona kino lepo ae, a hoi aku la no i ka mea nana i haawi mai. A oiai, ua hea ia mai la ko makou hoapaahana e ko makou Haku hana aloha e haalele iho ia makou me ka ehaeha ame ka luuluu. Nolaila, ua iho ka Ahahui C. E. o Holualoa Sr., Kula Sabati ame ka hapa o ka Ekalesia Huiia o Kailua ame Helani, (hapa o Kailua) i hoalohaloha no ko lakou hoapaahana i moe e aku la iloko o ka poli aloha o ko makou Haku hana no kona inoa e ola mau loa ai. A ma o ko makou Komite la, ua aponoia. 1. O makou o na hoahanau o na Ekalesia Huiia o Kailua ame Helani, ke komo a e hui pu aku ana makou me oe e Mrs. Lizzie K. Davis ame Isaac Kulua Davis na keiki a ko makou hoapaahana i hala e aku la ma o e u, e uwe kanikau a kaumaha pu hoi me olua e na keiki i nele i ka mama ma keia ola ana. 2. Ke komo pu aku nei makou me oukou e na moopuna a ko makou mea aloha i hala aku la, e kulu like na waimaka me ko oukou e na moopuna i hooneleia mai la i ke kupuna, a no ka mea, he mea ehaeha ka ili ana iho maluna o oukou e na kamaiki ka haawina ehaeha e like me keia ke ano. 3. O makou o na haumana Kula Holualoa Sr., ke hui pu nei makou o Sabati o Kailua, ka Ahahui C. E. o kona mau hoahana oloko oia mau Aha a komo pu aku e luuluu a e paiauma like me olua e na keiki i hele loa aku la ka makua ma o a me na moopuna hoi i hoonele pu ia mai la i ke kupuna. A oiai, o Mrs. Kailihiwa Olohana Davis, he haumana Kula Sabati oia no ka Ekalesia Makua o Kailua a he hoapaahana pu no ka Ahahui C. E. o Holualoa Sr., a moe wale aku la oia a i kona moe ana, ua moe oia me ke aloha nuiia e kona mau hoaloha iloko o Kristo lesu. 4. Ke komo pu aku nei makou me olua e na keiki ame na moopuna, a hooko aku i ka leo aloha a ko kakoa Haku i hea mai ai. "E hele mai e ka poe luhi a kaumaha Na'u oukou e hoomaha aku." Pela makou e komo pu aku nei, me ka iini e haawi mai ana oia i kona mau lima kokua aloha no kakou. O na ehaeha o ka kakou e oluolu oia e lawe aku ia mau haawina a pau maluna o kona honua. A ma ko kakou aoao, e hoomaikai aku kakou i ka inoa o Iehova, a no ka mea, "Nana no i haawi mai, a nana no i lawe hou aku.'' 5. E hoounaia keia hoalohaloha i ka nupepa Ka Hoaloha ame ke Kuokoa a i kope o keia ano like i na keiki ame na moopuna a ko makou hoapaahana i moe iloko o ke alohaia e na hoaloha, a i oi nui aku hoi i ke aloha ia mai e kona Makua Lani, a hiolani aku la iloko o "Ka lani kuu home e maha mau ai; Pokole paa ole kuu noho maanei No keaha e ohumu ke kou paapu mai Na eha na luhi, na kaumaha e?" Ke wahioia aku nei keia me ka walohia. O makou iho no ma o ke Komite la, Komite—David Alawa, Keonipulu, J. H. Kealalio, Mrs. D. Alawa, Mrs. R. A. Kauhaihao, Mrs. Julia Keawehawaii, ame Mrs. A. Mahiai. Holualoa, Kona Akau, Hawaii, Augate 16, 1909.