Ka Nupepa Kuokoa, Volume XLVI, Number 35, 27 August 1909 — UA HALA MA KELA AO. [ARTICLE]

UA HALA MA KELA AO.

I ka Nupepa Kuokoa, Aloha oe: E oluohi kou hanohano e hookomo iho ina kekahi wahi kaawale o kou keena, i ike mai ai ka ohana ame na kini makamaka e noho ana ma ka puka ana a ka la i Kumukahi a hiki i ke kiko ana a ka la i Lehua, no ko makou mama i aloha nuiia, ua naha ka lialo i ke kanaka a niau palanehe aku la ka uhane i ka mea nana i liana. Ma ka hora 8:45 p. m. o ke Sabati la 15 i aili hope ae ai kona aho hope loa iwaena o kekahi o kana mau keiki ame na moopuna he iwakalua-kumama-ono e elua kualua, e ku pohai ana a puni kona moe, a waiho iho la i ka ukana luuluu ia inakou i na keiki ame na moopuna ka ohana apau me ka minamina, ame ke kaumaha makou e noho u aku nei nona. He makuahine aloha ia makou i na keiki ame na moopuna, he puuwai hamama kona, he heahea a hookipa i na malihini i kona home, ua piha iaia na he 61 a oi ma keia ola ana. Mai ko makou mama alolia Mts. Maraea ame ko makou papa L. Kaina i hala mua ma kela ao i puka mai ai he eiwa ko makou nui, he ekolu keiki i hala e me ko makou papa ma kela aoao o ka make a ua koe iho he eono keiki elua kaikamahine a he eha keikikane e ola nei i keia wa, a ua mare hou aku ko makou mama he kane hou lie Pake a maileko mai o laua hookahi kaikamahine a hala wale aku la oia ma kela ao. Mailoko mai o keia poe keiki he ehiku e oln nei i puka mai ai he iwakaluakumamaono moopuna ame elua kualua e ola nei, he iwakalua moopuna kuakahi i make. - Ma ke ahiahi Poakalii la ]6, i maneleia aku ai kona- kino lepo ma ka ilina o H<Vielani. Owau kekahi keiki ana, LORD KAINA.