Ka Nupepa Kuokoa, Volume XLVI, Number 35, 27 August 1909 — KAUCHAIA NA LIMAHANA E UKU Hoohalahala ka Luna Auhau no ka Hookaa Ole o ka Poe Hana i na Auhau. [ARTICLE]

KAUCHAIA NA LIMAHANA E UKU

Hoohalahala ka Luna Auhau no ka Hookaa Ole o ka Poe Hana i na Auhau.

No ka ikeia i ka bui maoli o ka poe e noho hana nei inalalo o ke Kulanakauhale ame Kalana o Honolulu nei, a maloko no hoi o na keena o na hana aupuni 0 ke Teritore, me ka uku ole i ko lakou mau auhau, ua hoouna okoa mai ka Luna Auhau nui Chas. T. Wilder ia Meia Fern ame na poo o na keena o ke Teritore e kauoha aku i na limahana e noho hana ana malalo o lakou e uku koke mai i ko lakou mau auhau. Ma ka leka i hoounaia ae i ka Meia e hoike ana ia i kekahi heluna nui o na kanaka i noho aie maoli i ke aupuni ko lakou mau auhau no kekahi mau makabilfi, a e hoakaka pu aku ana hoi i ka ae ana mai o na poo o kekahi mau keena o ke Teritore, no ke kauoha ana mai i ka luna uhau i wahi e ohiia ai na auhau i hookaa oleia o jcekahi mau limahana o ke aupuni. 0 kana i hoike ae ua hooponopono ka na poe o kekahi mau keena aupuni me ka poe hana o ia mau keena, ina aole lakou e uku mai ana i ko lakou mar auhau, alaila maluna i'no o lakou ke koikoi o ka hiki ana ia lakou ke noho hana hou aku no ke aupuni ame ka ole. Oiai he koi kupono loa ka ka luna auhau i waiho ae ai imua o ka Meia, ua manao oia ua hiki i ka Meia ke lawe mai i jna hoohalike ana e like me ia i hanaia aku e na poo o na oihana o ke Teritore i ko lakou mau limahana, a ma ia ano ua hiki ke koiis, aku ka poe e noho hana mai nei, i loaa aku na kulana ma ka hookohuia no ka uku ana mai i na auhau. i loihi ka waiho ana me ka uku oleia. Aole no ka i noho wale ke keeua auhau, aka ua pinepine no ke koiia ana aku o kekahi poe limahana o ke aupuni e uku mai i ko lakou mau auhau, eia nae aohe he hooko iki ia, a malia o ka laweia ana ae la o keia alahele e ka luna auhau, ma o ka hele maoli ana ae e ike i na poo o na oihana aupuni, a e like ae la hoi me ia i hoouna lekaia ae ai i ka Meia o ke Kulanakauhale nei, e hiki mai ana i ka manawa a kela poe e hookaa mai ai i ko Jakou auhau. O ka pono no hoj paha ia, ao?e paha o ka poe e hooikāika nei i na hana mawaho nei ke noke i ka uku i ko lakou mau auhau, a koe mai no ka poe na lakou e ai nei i na dala o ke aupuni ame ka lehulehu.