Ka Nupepa Kuokoa, Volume XLVI, Number 36, 3 September 1909 — HAALELE I KA LIO ME KA NAKII OLE. [ARTICLE]

HAALELE I KA LIO ME KA NAKII OLE.

Ma ka Poalua nei liolo ae la kekahi Kepani o Saka ka inoa, a i ka hiki ana mamua o ka halekuai lele koke iho la ilalo me ka haalele ana i ka lio aolie i nakiia a paa, me ka loaa ole ae o ka noonoo he mea puiwa ka lio. laia no nae a komo iloko o ka hale kokolo malie mai la ka popoki o ke Aupuni a lawe aku la i ka lio me ke kaa. Ua hopu puia o Saka ia manawa a laweia i ka halewai. He makaala loa na makai i keia hana hemahema a ka poe kalaiwa, no ka nui loa o na lio holo pupule ma na alanui me ka puiwa e hoopoino aku ai i ke ola a i ole ia i na kaa paha a kekahi poe, a nolaila i makaala loa ai na makai i ke ku-eia o ke kanaka e kauoha ana e nakiiia na !io. Ma ke alo iho o 'ka Banako Hawaii ma ka po Poakahi aku nei i loaa ae ai i ka makai kekahi koa punelunelu ua hele a luhe i ka wai o Paieie (ona). He koa nui puipui maoli ka kela i paluaia ka nui ame kona kaumaha mamua o ko Apana. I ka ike ana o Apana i ke koa, ua hopu koke iho la oia me ke kali ole a auamo ae la no ka lawe ana i ka halewai. Ua puoho ke koa i ka wa i hapaiia ai me kona maopopo ole i ka mea e hana. ia ana nona a noke ae la i ke kupaka, eia nae, aohe hookuu o Apana a hiki wale i ka noho ana iloko o ka rumi paahao o ka halewai. No ka hoole i ka uku ana i ka uku o ke kaapio, ua hoopiia ae kekahi luina 0 ka moku Oeean Queen a noho ana 1 ka halewai, ma ka po Poakahi aku nei. Ua hoole kela luina aohe ana dala e uku ai> eia nae i ka wa i huli ia ai kona kino e ke kakiana kiai aohe i kana mai ua mea he lelo, a no kona hoole loa i ka uleu ana, ua laweia oia iloko o ka pa e hoopaa ai. Ku ka pakui o ka rama o kela luina a ua manao paha oia he hana paani wale no kela a pau ae.