Ka Nupepa Kuokoa, Volume XLVI, Number 36, 3 September 1909 — KE AUMOKUKAUA A HOEA MAI Ma Keia Poalima ae na Ohiki Aumoana o ka Pakipika e ku Mai ai. [ARTICLE]

KE AUMOKUKAUA A HOEA MAI

Ma Keia Poalima ae na Ohiki Aumoana o ka Pakipika e ku Mai ai.

Aole he nui loa o na la e kakali aku al, alaila ku mai ke aumokukaua o ka Pakipika 110 Honolulu nei, e like me na mea i hoike muaia aku ai iloko o kekahi manawa ae nei i hala, oiai, e haalele aku ana lakou ia Kapalakiko ma keia Sabati iho, ka'la elima o keia mahina, a e ku mai ana ma keia Poalima ae. O ke aumokukaua i kipa mua mai ai i Honolulu nei, a i hoohala ai he mau la loihi ma keia awa. Eia ke liuliu nei ka oihana kaua ma Honolulu nei i ka lanahu no ua mau ohiki aumoana la e hoea mai ai, a e hala okoa ana he mau la loihi ia lakou maanei nei, mamua o ka hoomau ana aku i ka lakou huakai aumoana. Oiai e hoea mai ana keia mau mokukaua iloko o p la a na hoa o ka Ahaolelo Lahui ma keia kulanakauhale, noiaila e komo pu mai ana na aliikoa iloko o na hana hookipa a na makaainana o keia Teritore. Ma keia holo ana mai a kela mau mokukaua mai Kapalakiko mai, e kuu ia mai ana ko lakou holo ma kahi o ka umi-kumamawalu mau mile i ka hora, aole paha no ka loaa o ka manawa holo o ka mokukaua St. Louis, aka no ka loaa no nae o ka manawa holo maikai ia lakou. { E haalele iho ana kela mau mokukaua i keia awa ma ka la elima o Okatoba ae*oei, a holo aku no NareB Harbor e hoea aku ai ilaila ma ka la umikumamalima o ia mahina, a i ka haalele ana ilaila e ku ae ana i Mainila ma ka la 1 o ka mahina o Novemaba.

O na ahahui like ole o keia kulanakauhale kja i komo pu iloko o ke l kono a.'ka Elele Kalanianaole no ka hoea f ana ae imua o na malihini o ka Ahaolelo o Amerika nm ka la umi-kuma-maono o keia mahina.