Ka Nupepa Kuokoa, Volume XLVI, Number 36, 3 September 1909 — PAA KA MEA PEPEHI WAHINE I KA HALEPAAHAO. [ARTICLE]

PAA KA MEA PEPEHI WAHINE I KA HALEPAAHAO.

Ma ke ahiahl Poalima i hala, i ka wa i hoi mai ai o Nahi Kealoha mai ka hana mahiko mai ma Waipahu, no ka mea, malaila oia i hana ai ia la, ike iho la oia e mokaki ana na mea oloko o ko laua hale a o kahi meaai keia aohe i makaukau, ihea la ka wahine kahi i lalau ai a po i makaukau ole ai kahi meaai. 0 ke ake no o na kanaka hana, i ka wa e hoi mai ai mai ka hana mai r;a houpo lewalewa a e makemake loa ana e ai, eia nae, i ka hoea ana maij ka hale, e mokaki aku ana na mea apau, me he mea la aohe kanaka o ka hale ia la a po, a no ia kumu ua ulu koke ae la ka huhu iloko ona no kana waliine lalau, a hoomaka iho la e paluku i ka wahine me kona mau lima kakauha, a mai nui ole no hoi paha ka eha o kana wahine aole i pulu loa i ka uhiwai. Aia kahi noho o kela mau mea ma Kalihi Camp. a i v a wa o kela hakaka ana ua hoopiolokeia ka ohana liilii ame poe e noho mai ana ia laua. O ka hemahema no i na kane kekahi kumu e hiki ole ai i na wahine ke hoomakaukau i na pono o ka home, a i ka wa e huhu ai na kane i na wahine no ka hoomakaukau ole ua hilihewa loa kela huhu ana. E pono e makaala like na aoao elua i ka lakou hiana, ke kane ma kona aoao, a o ka wahine hoi ma kona aoao, a pela wale no e maikai ai ka noho oluolu ana. Ua hoihoiia ka wahine eha i ka halema'i Moiwahine me ka mahunehune a o ke kane hoi i ka halekula o Kuupapanui no ke a'o ana iaia, e kali ana o ka oluolu pono ae o ka wahine a hookolokoloia mai oia no kona hoeha, . ,