Ka Nupepa Kuokoa, Volume XLVI, Number 36, 3 September 1909 — KUU KANE ALOHA UA HALA [ARTICLE]

KUU KANE ALOHA UA HALA

Eka Nupepa Kuokoa, Aloha oe: E oluolu raai kou hanohano e hookomo iho ma kahi kaawale o kou mau kolamu i keia wahi puolo waimaka o ke aloha kane. Nona hoi ke poomanao. e kau ae la maluna, i ike mai ai na ohana ame na kini makamaka o kuu mea aloha e noho" ana, mai ka Hikina a ka la i Haehae a ka welona a fta la i Lehua o Kaanaana Kahoomana Muli ua hala i ke ala hoi ole mai, auwe aloha ino kuu kane! Ua hanauia oia ma Makapala, Kohala Akau nei mai ka puhaka mai o Nakapanahele w ame Muli k no Makapala nei no keia a o keia kanaka hoi o Muli no Maui mai oia i hele mai ai a mare no laua ma Kohala nei, a oia iho la ka mdolelo 110 kona mau makua. Ua hoonaauaoia no oia ma Makapala nei i ka wa o Heulu ame Ekau na kumu kula ia wa, he holomua oia ma kana niau haawina apau, he keiki hoolohe i kana kumu, oia no hoi ko makou luna 0 na kamalii e hele ai i ka halihali pohaku, laau ame na mea e ae apau, 1 hanaia ai o keia hale halawai o Makapala nei. Ua hoohuiia maua ma ka berita maemae o ka mare e ka Makua E. Bond, i ka malama o Feberuari, 1861, ma kona hoine noho ma lole, Kohala Akau, Hawaii. Ua piha ia maua he 48 makahiki a oi o ko maua noho aloha ana a hala wale aku la kela ma o. Ua loaa ia maua he 3 keiki kane ame 2 kaikamahine, a mai ia lakou mai i loaa ai he mau moopuna na maua. He makuakane aloha keiki, aloha moopuna, he hoomanawanui i ka imi i ke ola o ko makou noho ana, mai leo maua mare ana a hiki wale i kona waiho ana iluna o kahi moe, no ka nui mai o ka pilikia, pela i hemo aku ai ka hana mai kona mau lima aku. He oluolu, he heahea, he hookipa i na poe apau e hiki mai ana i'ko maua home. He mau hoahanau kahiko no, maua no ka hoomana Makua, ma ia hoomana no oia i ku iho la a hala wale aku la, a no'u iho hoi, ua hu>i hou ae au he hoomana hou, oia hoi ka hoomana o Na La Hope Nei. Ua Boho aloha ia eia me na poe apau. Ua piha iaia na makahiki he 72 • oi o ke ola ana ma keia ao, a he 62 hoi o'u mau makahiki a haalele e mai la oia ia'u me na keiki a maua r.me na lei moopuna no hoi a maua i hoomanawanui ai, e noho aku me ke ,'anikau ana nona mahope nei. Auwe, aloha ino kuu kane! Ua pili aloha ia e maua na wahi apau me ka oluolu, mai ka wa makua mai, a pau aku lakou a noho makua ole iho, hookahi makua 0 ke kane. I ka malama o lanuari, 1909, i hoomaka mai ai kona ma'i pehu, aka hele no nae oia i ka hana me ia ano upehupehu no o na wa'wae, pela kona hoomanawanui ana a hiki i ka malama o Malaki, ua hiki hou ole ke hele i ka hana, ua oi ae ka pilikia mamua o ka mea hiki ke hoomanawanui hou aku, pela oia i noho ai iloko o kela pilikia a hiki iho la i ke ahiahi o ka Poaha Augate 12, 1909, hora 7, ua kipa mai la ka Anela, o ka make ma ko maua home nei, a īawe palanehe aku la i ka nhane o kuu mea aloha, a waiho iho la i ke kino e hoi no ka lepo. Mai kona la i ma 'i ai, mai ia wa mai 1 hooikaika ai ka maua kaikamahine i ka imi ana i ke ola imua o Kauna Bona ajne Kauka Ninomiya, aka, ua hiki ole ke lanakila mai, oiai wahi a keia mau kauka, ua palupalu oia, aohe koko, no ka mea ua loaa oia i keia ma'i pehu, i kona wa elemakule, ua hiki ole ke ola, aka, ua hooikaika no nae o Kauka Bona i kana laau, a i ka la hope loa hiki hou mai la oia, ua pau ka ike pau ka lohe. Oia kona manawa i hoike mai ai i ka maua kaikamahine me ke aloha, he mau hora wale no koe a haalele mai kou makuakane ia oe me ka ohana. A. olelo mai la oia he mau olelo hoolana i ka manao, mai hookaumaha i kou noonoo no kou papa ua malia oia, a he alanui loaa ia ia kakou apau loa, a haawi mai la i kona aloha hope ia'u ame kuu kaikamahine a hoi aku la no lioi oia. He elua la mamua iho o kona haalele ana mai i keia ola ana, ua haawi mai la oia i kona aloha, a pane mai la kuu kane me ka walohia a mokumokuahua o ka naau. "Aloha , oukou apau loa, E mama, e noho oe me ka oluolu me na keiki a kaua ame na moopuna hoi a kaua. E a'u keiki aloha e malama olua ia maina me ka maikai mai hana ino no hoi oukou i kuu mau moopuna, e malama me ka maikai, ana laua e koho no laua iho. E nolio oukou me ka lokahi aole ku-ee noho like oia ko'u makemake, no ka mea, aole au e ola ana, ua nui loa mai kuu eha mamua o ka mea hiki, ua oi aku ka pono o ka make ana mamua o keia hoehaeha mau ana, e uwe mau ai i ka po ame ke ao.'' Oia na huaolelo i hoopuka ia mai eia me ka waimaka pu, apau ia mau huaolelo, hoomaikai aku la oia i ka Makua Lani, pela mau oia i hana ai i ka po ame ke ao, a hiki i kona haalele ana mai la ia makou. Ua haawi pu mai no hoi oia i kona i na poe apau i. kokua mai iaia ame makou pu iloko o kona wa pilikia, ana no i ike ai i ka oukou mau kokua, pela pu no hoi makou e mahalo pn aku nei ia oukou e na poe i hoohamama mai i ko oukou mau puuwai •iloha bo ke kokua ana mai i keltahi ohana pilikia, e like me- makou nei, iloko o keia mau mahina loihi. E hoike aku ana au imua o oukou e ka lehulehu i na inoa o ka poe i ikokua mai ia makou, o ia hoi o Mr. Robert Hall, ka haku hana hope o kuu kane; ka Hon. H. L. Holstein, Mr. J. 6. Lewis, Mr. John Sniffen, Mr. J. K. Kaohi ame Mr. J. Kaniania, no oukou ko makou mahalo' nui. Ma ka hora 12 o ke awakea o ka la 13, 1909 i malamaia ai kona anaina haipule ma ka hale halawai o Makapala nei, e ka Makua G. L. Kopa. Ke hoomaikai pu aku nei au ia oukou e ka poe apau i hiki mai e kumakena pu me a'u no kuu kane i haa-. lele mai ia'u, me ko oukou mau wainiaka i hoopulu iho maluna o kona kino me ke aloha. Ke hoomaikai pu aku nei au ia oukou e na keiki hapai pahu, i ko oukou hoomanawanui ana i ka hapai i kuu ksne me ko oukou mau lima ponoi, a na ke Akua e kokua ia kakou apau loa, iloko o Kona nani. Nolaila, e hoWaikai ia ke Akua ma na Lani Kiekie Loa, he malu kona ma ka honua nei, he aloha ia kakou, no ka mea, Nana no i haawi mai, a Nana no i lawe aku. Owau no me ka luuluu, MRS.«KALOHA K. K. MULI.