Ka Nupepa Kuokoa, Volume XLVI, Number 36, 3 September 1909 — NA HUNAHUNA MEAHOU O KE AO. [ARTICLE]

NA HUNAHUNA MEAHOU O KE AO.

E kukuluia aku ana kekahi liale o na mea hoikeike lahui ma Wakinekona D. C. a malaila e waihoia ai na mea apau a ka Peresidena Rusawela i hele aku nei i Aferika. Ina e ola ana o John D. Rockfeller a hiki i ka piha ana iaia o na la hanau he kanawalu alaila, oia ka mua loa e lilo ana i Ona biliona iloko o ka moolelo o ke ao. He miliona dala ka waiwaiio o ka ululaau i ulupaia ai e ke ahi ma Spokane. O na inanawa holo loa o na mokuahi mamua aku nei ua haule ino loa i ka mokukaua St. Louis mamuli o kona holo ana mai Hilo a hiki i Kapalakiko iloko o eha la a oi. Ke lawe ae nei na Kepani limahana i kahi o na limahana Helene ma ka hana ana i ke alanui hao o ka Pakipika Komohana e hanaia nei ma Nevada. .Ma ka la i weheia ai ke alanui no ka holo ana o na kaa otomobile ma Indianapolis ma ka la 19 o Augate, he elima poe i make i ke kaa otomobile mamuli o ka ulia. Ua ikeia ka haule koikoi loa ana mai o ka hau ma Johannesburg ma ka la 18 o Augate, a o ka mua loa ia i ikeia iloko o kekahi mau makahiki lehulehu. Ua pau kekahi luahine i ke puhiia i ke alii e na Ilikini e noho kokoke ana ma Pueblo, Mekiko, mamuli o ka manaoia he ma'i hepela kona. Oiai e hoololi ana i ka ukana iluna o kekahi moku, ua palahuli iho la ka mokuahi Seattle me na ohua he iwakalua iluna a au ana na ohua i ke kai. Aohe nae ola i poino. Ua haawi makana ae nei ka Meiu o Tokio i ka Peresidena Taft he 20,000 kumulaau Kele (cherry) no ke kanu ana aku ma ka paka hou ma kapa o ka muliwai Potomac, ma Washington, D. C. Ua hoolala iho nei ka Ahahui Kalepa o ke aupuni ma Kikako no ke kukulu ana i 80 mau hale no lakou na lilo he $5.000,000 a e uhi ana i ka iliaina nona ka nui he kanaha eka. He mau home, na hale halawai, na hale waiho buke ame na hale hooikaika kino no 8500 limahana ka i komo pu iloko o kela mau hale e hoalaia aku ana. Ua hoehaia kekahi poe eha, a mawaena o ia poe o ke Kapena Campbell Babcock U. S. A. kekahi, mamuii o leekahi ulia kaa otomobile ma Kapalakiko, no ka makaala ole o ke kalaiwa.