Ka Nupepa Kuokoa, Volume XLVI, Number 36, 3 September 1909 — MOE IA MAKAAINANA O HAWAII Haalele Mai o Chas. M. Cooke i Keia Ola ana ma ka Poalima i Hala. [ARTICLE]

MOE IA MAKAAINANA O HAWAII

Haalele Mai o Chas. M. Cooke i Keia Ola ana ma ka Poalima i Hala.

Hoko o ka hakoko mawaena o ka make ame ke ola no kekahi mau pute ae nei i hala i haalele niai ai o Charles M. Cooke i keia ola ana ma ka wanaao o ka Poalima aku la i hala, a ina ke Sabati nei i malamaia ae ai ke anaina hoolewa no kona kino lehu i hoi aku la i ka lepo. He kino ma'i maoli kona iloko o na la hope o kona ola honua ana i hiki ole i ka ike ame ke akamai o ko ke ao nei ke lioopakele ae iaia mai ka make mai. He kamaaina, oia no aloha, oiai ma Hawaii nei «a kahi i hanauia ai, ma Hawaii nei i Koloholo ai iloko cr kona mau la a ma Hawaii nei i hoomoeiia aku la kona kino lepo me ka nui o kona ohana i hala mua ma ke ala hookahi ana o ka ukali ana aku la. Ua hanauia o C. M. Cooke ma ka la 1G o Mei, o ka ml&hiki 1849, mailoko mai o mau makua misionari kahiko Starr Cooke ame Juliette Montague Cooke i hoounaia mai no Hawaii nei no ka hoike ana ae i ka malamalama o ka Euanelio o ka pono Kriatiano. He nui na keiki i hanauia mai e keia mau makna misionari, aka he hookahi wale no keikikane i koe mahope iho o ka hala ana aku la o C. M.

Oooke, oia o A. F. Cooke ame ua kaikuahine jehulohu. Ma ke Kula o Punahou i loaa ai kona hoonaauaoia ana, a maloko o ko kula a'o mahiai o Makekukeka 110 na makahiki elua. Maloko o ka hui o kona makuakane oia i noho hana mua loa ai mahope iho o kona hemo ana mai ke kula mai, o ia ka hōi o Kakela me Kuke, aka no ka nui loa o ko lakou ohaua iloko o kela hui, uolaila ua makemake oia e hookaokoa loa iaia iho, nolaila ua komo aku la oia' ma kekahi hui okoa aku, a hiki i ka lilo ana ae o ia hui iaia ame Lewers, o ia kela hui e ikeia nei Lewers & Cooke. Mawaho ae o ka oihana kuai papa, ua komo kino aku oia iloko o na hui mahiko ame kekahi mau hana imi waiwai e ae, a hiki i kona lilo ana he kanaka waiwai ma Hawaii uei. Ua mare aku oia i ka wahinē ia Anna C. Rice, ke kaikuahine o W. R. Rice makua o Kauai i ka makahiki 1874, ma ka la 30 o Aperila, a malwaena mai o na keiki i puka mai ia laua mai, eia lakou apau ke ola nei, a elua wale no i"TSrake. M« kahi o na hana kokua, a ka 16hulehu i ike maopopo ole ai mamuli co o kona makemake ole e hoikeike wale aku i kana mau liana alolia imua o ke akea, oia kekahi o na kanaka hiki ole i ka poe i loaa aku na kokua ann mai iaia' aku, ke hoopoina nona. Iloko o na hana o na Ekalesra ; na haleina'i, na kula ame kekahi mau hana e ae, e loaa mau aku ana na kokua ana māi ia Cooke aku iloki 0 kela ame keia makahiki, a he nui wale o na ohana i hoopomaikaiia mamuli o na makana aloha i loaa akn mai kona lima aku ame kana wahine. Ma kona ano he peresid4na no ka hui o Brewer ma, aole oia i lawe mai 1 kona ukuhana, aka ua hookomo aku oia apau loa no ka waihona o ka poe e loohia ana i ka ma'i oloko o kela hui. Ma kona ano Peresidena no ka Banako Hawaii, ua hookomo aku oia i ka hapalua o kona uku no ia waihona hookahi no, a no ia mau hana ana e hiki ole ai i ka poe i kamaaina iaia ke hoopoina i na hooman'ao ana nona.