Ka Nupepa Kuokoa, Volume XLVI, Number 36, 3 September 1909 — MAKEMAKE NA HALE KII ONIONI E WEHE I NA LA SABATI. [ARTICLE]

MAKEMAKE NA HALE KII ONIONI E WEHE I NA LA SABATI.

Mamuli paha hoi o ka wehe hamamaia o ka hale holohau ma na auwina la ame na ahiahi Sabati, ua ulo ae ka manao iloko o na ona no lakou na hale kii onioni e loaa like ia lakoa ia pono, o ka wehe ana i ko lakou mau hale ma ia manawa hookahi me ko ka hale holohau. Eia lakou ke imi mai nei i wahi « hiki ai ke weheia ko lakou mau hale kii onion[, a ma kekahi oleloa ae hoi, e hoao maoli aku ana no kekahi o lakou e wehe ma na la Sabati i hiki aii ke hoaoia ka mana o na luna aupum e papa aku i ko lakou wehe ana ma kela la. Aole no i noho wale kela poe no lakou na hale kii onioni, aka ua noke no lakou i ka ninau i kekahi poe ike kanawai ame ka like ole mawaena o ka holohau ame ka hoikeike kii onioni, a o ka mea i loaa ia lakou, o ia no ka pili ana o ka holohau i ka hapa o na bana lealea, a o na kii onioni hoi ma ke ano he hana hoikeike ia. Ma kela like ole ae la i aeia ai ka holohau e wehe ma na la Sabati, a pilikia iho la hoi na hale kii onioni, oiai nae ma kekahi ano ke nana aku, he oi ae ke ano hoohaunaele o ka holohau mamua o ka hoikeike kii onioni, he noho hoola'i wale iho. 110 keia o noke ai i ka nana. •