Ka Nupepa Kuokoa, Volume XLVI, Number 37, 10 September 1909 — O MRS. S. KELIINOI UA HALA. [ARTICLE]

O MRS. S. KELIINOI UA HALA.

E hoike ana ka nupepa Maui News no ka loaa ana aku o ka lono kelekalapa uweaole mai Kona mai, no ka pauaho ana mai o Mrs. Sam Keliinoi i keia ola ana ma ka Poalua aku nei o ka pule i hala ma ka home o kona mau makua ma Kona, mahope ih6 o ke kaama'i ana no kekahi manawa pokole wale ae nei no. Ua holo hoomaha aku oia no kahi o kona mau makua ma Kona iloko o kekahi maiiawa ae nei i hala, a iloko 0 ka hapa mua a ka mahina o lulai, ua loohia iho la oia i ka mai, a hiki 1 ke kauoha okoaia ana mai o kana kane ma Wailuku e hplo aku no Kona. Me ka manaoia hoi ua loaa iki mai la iaia ka maha iloko o na pule kakaikahi i hala ae nei, a ma ia ano ua hoihoiia mai la ka laua mau keiki no ko laua -wahi ma Maui, eia nae aole pela, ua waiho hou aku la oia.i ka ma'i a hiki i kona pauaho okoa ana mai ina ka Poakahi aku nei, a kanuia no oia ma kahi o kona home kahiko. He kaikamahine o Mrs. Ema Keliinoi na Lunakanawai Yates, a no kekahi mau makahiki loihi ae nei i noho ai oia ma Maui ma kahi hanau o kana kane.