Ka Nupepa Kuokoa, Volume XLVI, Number 37, 10 September 1909 — LUULUU WALE HOI E! [ARTICLE]

LUULUU WALE HOI E!

0 maua o na makua i hookaumahaia Mr. ame Mrs. Sam Kanaheie. Ua kipa mai ka Anela o ka make ma ko maua home aloha ma Palama, Honolulu, a lawe. aku la i ka Uhane o ka maua kaikamahine i aloha nuiia, ma ka la 25 o Augate, 1909, o ia o Elizabeth Sam Kanahele. Ua hanauia oia ma Kaunakakai, Molokai ma ka la 4 o Mei, 1894. Ua piha iaia na makahiki he umi-kumamalima a oi. Ua hoonaauao ia oia ma ke kula o Kaiulani. He lala oia no ka Ahahui C. E. o Kaumakapili, he haumana Kula Sabati, a lie hoahanau no ka Ekalesia o Kaumakapili nei. He kaikamahinie akahai, haahaa, a he oluolu me ke aloha makua, he leo heahea i na makamaka ke kipa' mai ma ka home nei. Aole i pau ae ia mau la o ke kanikau ana o maua me na waimaka o ka ehaeha, halawai hou no me ia haawina hookahi. Ma ka wanaao Poakahi, Augate 30, ua make hou ia kaikamahine aloha a maua, oia o Mrs. Marie David Nakea, ke kaikuaana o ka mea i hala mua aku, he 5 la ko laua kaawale. Auwe hoi! Auwe hoi e!! "Ke hoihoi aku nei oe i ke kanaka i ka lepo." Ua hanauia oia ma Lelelo, Honolulii ma ka la 13 o Aperila, 1887 ua piha iaia na makaliiki he 22 me na nialama a oi a moe aku la iloko o ka maluhia. Ua hoonaauaoia oia ma ke Kula o Kauluwela ma ke kula o Waimea, Kauai hookahi makahiki a ma ke«kula o Kaiulani. He komite hoeueu oia no na pokii, ame opio o ke Kula Sabati o Kaumakapili, a he kumu Kula Sabati no hoi. He. lala no ka Aha C. E. o Kaumakapili, he hoahanau oia no ka Ekalesia. Ua mare oia ia Willie Kekoa a mai ka holo ana o ke kane no Amerika aole mea nana e malama iaia. A na kona mau makua no oia i malama. Ua hoopii aku oia imua o ka Aha e hookaawale i kana kane a ua ae ia mai. Ua mare oia me David Nakea, a ua loaa hookahi keiki no hookahi makahiki o ke ola ana o ke keiki a make aku la. A mahope aku la no hoi oia a m« ia keiki no iloko o ka opu a moe pu aku la no. He mea hoomanaonao na maua ke hoomanao ae i na keiki. A maluna ae o na mea apau ke hoomaikai nui a,e nei maua i ka Makua nui ma ka lani, nana no i haawi mai, a Nana no i lawe aku e hoonani nui ia Kona inoa Hemolele. E himeni mau ana oia i kana himeni punahele i kona mau la e waiho ana iloko o ,ka nawaliwali. I 1. Ka Lani kuu home e malia mau ai Pokole, paa ole kuu noho maanei— No keaha e ohumu ke kau paapu mai, Na eha, ua luhi, na kaumaha e! , Ke hoomaikal nui aku nei maua i ka EkaleBia o Kaumakapili no ka lakou mau kokua ia maua, a me na hoaloha apau i lawe mai i ka lakou mau poke pua, me ke komo pu ana me maua no ka huakai hoolewa o ka maua mau mea aloha. 1 ka lunahooponopono o ka Nupepa Kuokoa ka hoomaikai nui ame na keiki hoonolio hua ka hoomaikai. O maua iho no me ka luuluu, MR. AME MRS. S. KANAHELE. Honolulu, Sepatemaba 7, 1909. j