Ka Nupepa Kuokoa, Volume XLVI, Number 37, 10 September 1909 — PIHOLO KA MOKUKUNA AILAEA. [ARTICLE]

PIHOLO KA MOKUKUNA AILAEA.

Ua loaa ae kekahi lono powehiwehi i Bosetona mai Kikane ae e hoakaka wale ana no i ka nahaha ana o ka mokukuna Hiram Bingham a piholo i ka hohonu me ka make pu ana o kona Kapena ka Bev. A. C. Walkup me ka moku, a o kahi nae i ili ai a nahaha ame ke kumu o ka nahaha ana aohe 1 hoakaka pihaia. O keia malalo nei ka mea i hoolahaia ma ka Nupepa ke San Francisco Oall o ka la 27 o Augate i hala: "O ka Mokukuna Hiram Bingham ka mea nona ka lono kelekalapa i loaa ae i Bosetona mai Kikane ae no kona nahaha ana a piholo i ka hohonu o ka moana, ua kapiliia ia ma ka pa kapili moku o Anderson ma kahi kokoke i ka Lae Hunters a i holo aku ai mai ia nei aku ma ka la 10 o Novemaba, 1908, ma kana huakai aumoana mua loa no na mokupuni liilii o ka Hema. E hoike pu ae ana kela lono i ka nuhou no ke piholo ana o ka mokukuna a e hai pu ae ana i ka make ana o ke Kapena Alfred C. Walkup, ka Mikanele Marina nana e hookele ana i ua moku lawe Euanelio la. "Na ke Kapena Walkup no i hoolala i ke ano o ke kapili ana i kela moku, a iaia i holo aku ai mai ia nei aku, ua lawe pu aku oia i kana keikikane amo kana kaikamahine. O ke keikikane ame ke kaikamahine i hanau ai maluna o na mokupuni Kilibati, ua hoi mai ia nei ma ke alahele mai 0 Auseteralia a eia ia nei i keia manawa iloko o ke Kula Nui kahi i noho ai. "Aohe moolelo piha e pili ana i ke piholo ana o ka moku, oiai ma ka la 25 o Malaki i hala ua loaa mai ka lono ma ka mokupuni Oeean (Moana) oia kahi i ku ai. "Ua kapiliia ka Hiram Bingham ē ka Papa ,Amerika o ka Misiona kuwaho no ka holoholo ana mawaena o na mokupuni Kilibati a nona na lilo he $7,000. He kanaono-kumamakolu kapuai kona loa a ua hoolakoia me ka enekini ailaea nona ka ikailea hoonee 1 like aku me ka ikaika huki ,o na lio lie kanaha-kumamalima. r " Ma ka. haulelau o ka makahiki i hala, ua ku mai kela moku i Honolulu iiei ma kona alahele no na mokupuni Kilibati. Ua hookipaia kona kapena me ka pulama nuiia e koonei mau Mikanele, a manuia o ka holo loa ana aku no na niokupuni o ka Hema ua malama ia he anaina haipule ma ka nwapo o ka Alameda. O kela mokukuna ka Hiram Bingham, o ka lua ia o na mokukuna ma kela inoa i hoohanaia no ka oihana Miaiona ma na kai o ka Hema; ua kapiliia oia no ka lawe ana aku i ka hakahaka o ka moku mua i ano popopo mai no ka loihi loa o ka hoohanaia Bingham no ka hanohano © Bev. Hiram ana. Ua kapaia kona inoa ka Hiram Bingham, ke kumu mikanele paionia i noho loihi ma na mokupuni Kilibati. laia i ku mai ai ia nei, aia pu maluna ona na kope o ka Baibala i unuliiia ma ka olelo Kilibati e Rev. Hiram a oia kona balaki i holo mai ai.